ەندى ەل ازاماتتارى eGov.kz پورتالىندا كورسەتىلەتىن قىزمەتتىڭ كومەگىمەن بانكتىك قارىزدار مەن ميكروكرەديتتەردى الۋدان شەكسىز ۋاقىتقا ءوز ەركىمەن باس تارتا الادى, دەپ حابارلايدى Egemen.kz.
ەسكە سالا كەتەيىك, بۇعان دەيىن نەسيەلەر مەن ميكروكرەديتتەردى بەرۋگە تىيىم سالۋ 6 ايعا بەلگىلەنىپ, مەرزىمى وتكەننەن كەيىن اۆتوماتتى تۇردە الىناتىن ەدى.
«سەرۆيستى پايدالانۋعا تەك ازاماتتىڭ ءوزى عانا ءوتىنىم بەرە الادى. كرەديتتەر مەن شاعىن قارىزداردى رەسىمدەۋگە تىيىم سالۋ مەرزىمسىز ۋاقىتقا قويىلادى. سونداي-اق پايدالانۋشى كەز كەلگەن ۋاقىتتا نەسيەلەر مەن قارىزداردى الۋعا بەلگىلەنگەن شەكتەۋلەردى الىپ تاستاي الادى. ول ءۇشىن eGov.kz پورتالىندا قىزمەت كورسەتۋدى مەرزىمىنەن بۇرىن توقتاتۋعا ءوتىنىم بەرۋ قاجەت», دەلىنگەن حابارلامادا.
قىزمەتتى الۋ ءۇشىن:
eGov.kz پورتالىندا اۆتوريزاتسيادان ءوتىپ, «كەدەن جانە سالىقتار» بولىمىنە ءوتىڭىز; تىزىمنەن «ەكونوميكا جانە قارجى» ءبولىمىن تاڭداپ, «بانكتىك نەسيەلەردى, ميكروكرەديتتەردى الۋدان ەرىكتى باس تارتۋ» قىزمەتىن تاڭداڭىز; قاجەتتى جولداردى تولتىرىپ, ەتسق كومەگىمەن وتىنىمگە قول قويىڭىز; كورسەتىلەتىن قىزمەت ناتيجەسىمەن جەكە كابينەتتە تانىسۋعا بولادى.بۇرىن بەلگىلەنگەن شەكتەۋلەردى الىپ تاستاۋ ءۇشىن پايدالانۋشى:
«بانكتىك نەسيەلەردى, ميكروكرەديتتەردى الۋدان ەرىكتى باس تارتۋ» قىزمەتىن تاڭداڭىز; «جازىلۋدان باس تارتقىڭىز كەلە مە؟» دەگەن سۇراققا ء«يا» دەپ جاۋاپ بەرىڭىز جانە قول قويۋدىڭ قولجەتىمدى ادىستەرىنىڭ بىرىمەن وتىنىمگە قول قويىڭىز.ايتا كەتەيىك, سەرۆيس جەكە تۇلعانىڭ بانكتىك قارىزدار مەن ميكروكرەديتتەر الۋدان ەرىكتى تۇردە باس تارتۋدى جويۋ قۇقىعىن بەكىتۋدى كوزدەيتىن زاڭنامالىق اكتىلەرگە تۇزەتۋلەر شەڭبەرىندە ىسكە اسىرىلعان.