وڭىردە ازىق-ت ۇلىك ارزاندادى

پاۆلودار وبلىسىندا «پاۆلودار» الەۋمەتتىك-كا­سىپ­­كەرلىك كورپوراتسياسى» اق نەگىزىندە قۇرىلعان جالعىز تۇراقتاندىرۋ قورى جۇمىس ىستەيدى. وندا جالپى كولەمى 13,8 مىڭ توننا ازىق-ت ۇلىك ءونىمى جيناقتالعان. وبلىس بويىنشا 201 الەۋ­مەتتىك دۇكەن مەن الەۋ­مەتتىك ساۋدا نۇكتەلەرىندە ازىق-ت ۇلىكتىڭ 12 اتاۋلى ءتۇرى ساتىلادى.

«پاۆلودار» الەۋمەتتىك-كاسىپكەرلىك كورپوراتسياسى» اق تۇراقتاندىرۋ قورى­نىڭ ديرەكتورى ازامات داندىباەۆتىڭ ايتۋىنشا, كۇزگى كە­زەڭ­دە كوپتەگەن ازىق تۇرىنە تۇ­تىنۋ­شىلار تاراپىنان سۇرانىستىڭ جوقتىعىنا نەمەسە كۇرت ازايىپ كەتكەنىنە بايلانىستى قوردا ارنايى تىزىمگە ەنەتىن ونىمدەردىڭ كەيبىرى جوق. مىسالى, كۇنباعىس مايى مەن كارتوپقا قازىر مۇلدە سۇرانىس بايقالمايدى.

ءوڭىردىڭ تۇراقتاندىرۋ قورىنان ونىمدەر كەلەسىدەي باعادا بوساتىلىپ جاتىر: قاراقۇمىق (كيلوسى) – 130 تەڭگە, ءبىرىنشى سورتتى ۇن (كيلوسى)– 145 تەڭگە, تۇز (كيلوسى) – 55 تەڭگە, كۇنباعىس مايى ء(ليترى) – 630 تەڭگە (قازىر بۇل ءونىم قوردا جوق, وندىرۋشىلەر سىعىمداپ الىپ جاتىر, جاقىن ارادا تۇسەدى), كۇرىش (كيلوسى) – 350 تەڭگە, ماكارون (روجكي, كيلوسى) – 250 تەڭگە, قىرىققابات (كيلوسى) – 95 تەڭگە, قانت (كيلوسى) – 410 تەڭگە, كارتوپ (كيلوسى) – 110 تەڭگە, ءسابىز – (كيلوسى) 110 تەڭگە, پياز (كيلوسى) – 102 تەڭگە, تاۋىق جۇمىرتقاسى (وندىعى) – 426 تەڭگە.

«بىزدە كەيبىر ازىق-ت ۇلىك ونىمدەرى, سونىڭ ىشىندە كوكونىس پەن كارتوپ قويماعا ارنايى سالىنبايدى. ولار شارۋا قوجالىقتارىنىڭ كوكونىس قويمالارىندا ساقتالىپ تۇ­رادى, قاجەت كەزىندە الدىرتامىز. وبلىستا كۇرىش باعاسىن ىرىقتاندىرۋ ءارى كولەمىن كوبەيتۋ ماقساتىندا جۋىقتا كورپوراتسيا قورعا 204 توننا كۇرىش ساتىپ الدى. الداعى ۋاقىتتا تاۋىق جۇمىرتقاسىن دا قاجەت كولەمدە ساتىپ الۋ جوسپاردا تۇر. قىسقى ۋاقىتقا قاجەت كوكونىس تۇرلەرى بو­يىنشا دا قوسىمشا ساتىپ الۋلار جۇرگىزىلۋى مۇمكىن. بىراق ءبىزدىڭ وڭىردە كوكونىس ونىمدەرى مول جينالاتىنىن ەسكەرسەك, كارتوپ جانە كەيبىر كوكونىستەر بويىنشا قورعا ناقتى ساتىپ الۋلار جۇرگىزىلمەيدى. سەبەبى ءونىمدى جەرگىلىكتى نارىقتا ارزان باعادا وتكىزۋگە قىزىعۋ­شىلىق تانىتاتىن شارۋا­شىلىقتار جەتكىلىكتى», دەيدى ا.داندىباەۆ.

جوعارىدا اتالعان 204 الەۋ­­مەتتىك ساۋدا نۇك­تە­­لە­رى­نەن بولەك, پاۆلودار قالا­سىن­دا «Jailau» فەرمەرلىك بازارى جۇمىس ىستەيدى. وندا ساتىلاتىن ازىق-ت ۇلىك تا­ۋارلارى تىكەلەي جەر­گىلىكتى وندىرۋشىلەردەن جەتكىزى­لە­تىندىكتەن, نارىقتاعى با­عا­دان 15-20%-عا ارزان. بيىل ەكىباستۇز بەن اقسۋ قالالارىندا دا وسىنداي با­زار­لار قۇرىلىسى قولعا الىنىپ جاتىر.

قازىرگى ۋاقىتتا پاۆلودار وبلىسى ازىق-ت ۇلىك باعاسىنىڭ ارزاندىعى جونىنەن 7 پوزيتسيا بويىنشا رەسپۋبليكاداعى وڭىرلەر اراسىندا توپ-5-كە كىرەدى. اتاپ ايتقاندا, ءبىرىنشى سورتتى ۇن, قاراقۇمىق جارماسى, سارى ماي, ءسۇت (2,5%), ايران (2,5%), كارتوپ, ءسابىز. وبلىس بويىنشا جالپى سىيىمدىلىعى 500 مىڭ توننادان اساتىن 150 كوكونىس ساقتاۋ قويماسى بار. بيىل سىيىمدىلىعى 8 مىڭ توننا كوكونىس قويماسىن سالۋ كوزدەلگەن.

پاۆلودار وبلىسى