اتاجۇرتتى اسقاقتاتقان تۇرىك وتباسى

الىس جولدان كەلگەن قوناقتار 5 400 شا­قىرىم جول جۇر­گەن. قازاق توپىراعىنا تابان تىرەگەلى تۇرىك وتباسىنا كورسەتىلگەن جەر­گىلىكتى حالىقتىڭ ىقىلاسى جو­عارى بولدى. ەلورداعا بارار جولدا ولار ەلىمىزدىڭ ءتۇرلى قالا­لا­رىندا توقتايدى. شەتەلدىك مەي­ماندار بۇعان دەيىن اقتاۋدا مەن اقتوبە وبلىسىندا ايالدادى. الدىمەن ساياحاتشىلار باي­عانين اۋدانىنا, سودان كەيىن تەمىر اۋدانى, اقتوبە قالاسى مەن حرومتاۋ اۋدانى تۇرعىندارىنىڭ قوناقجايلىلىعىنا ءتانتى بولدى. ۇلتتىق تاعامداردان ءدام تاتىپ, سالت-داستۇرىمەن تانىستى.

باس قالاعا تابان تىرەگەن تۇرىك وتباسىن ءبىرىنشى كۇنى قالا اكىمدىگى قارسى الىپ, قازاققا ءتان سىي-سياپات كورسەتكەن. اكىمدىك ساياحاتشىلارعا دۇنيەجۇزىلىك كوشپەلىلەر ويىندارىنىڭ اشىلۋىنا بيلەتتەر تابىس­تادى. مەيماندار 12 تامىز­دا جولعا شىعىپ, گرۋزيا, رەسەي, تاتارستان ارقىلى 21 كۇن­دە اس­تاناعا جەتكەن. يديل مەن بۋ­راك 2 جاسار ۇلىمەن بىرگە دۇ­نيە­جۇزىلىك كوشپەلىلەر ويىندارىن كورۋ ءۇشىن ارنايى كەلگەن. وزدەرىنىڭ ايتۋىنشا, «كوشپەلى» دەپ اتالاتىن شاعىن اۆتوبۋستى الىس ساپارعا ارنايى جابدىقتاعان. ەرلى-زايىپتىلار كوشپەلىلەر ويىنىنان كەيىن سايا­حاتتارىن وزبەكستان, قىرعىز رەسپۋبليكاسىنىڭ جەرىندە جال­عاس­تىرۋدى نيەت ەتىپ وتىر.

سونىمەن بىرگە تۇرىك وتباسى استاناداعى تۇركيا ەلشىلىگىنىڭ رەزيدەنتسياسىندا قوناقتا بولدى. «استاناعا جەتكەنىمىزگە قاتتى قۋانىپ تۇرمىز. قازاقپەن ءتۇبىمىز ءبىر تۋىسقان حالىقپىز. شىنىمدى ايتسام, اتاجۇرتقا كەلگەندە دە كوڭىلىمىز الابۇرتىپ, كوزىمىزگە جاس كەلدى. مەنىڭ انام قىرعىز. قازاق حالقىنىڭ قوناقجايلىعى, كورسەتىپ جاتقان ءىلتيپاتتارىنان, ۇيىمىزدە جۇرگەن سياقتىمىز. ساياحات بارىسىندا قازاق حالقىمەن جاقىن تانىسىپ, قىزىقتى ۋاقىت وتكىزگىمىز كەلەدى», دەدى اعىنان جارىلعان يديل دۋران.

ىستانبۇل قالاسىنىڭ تۇر­عىنى بۋراك دۋران قازاقتىڭ كەڭ دالاسىنان ءوتىپ بارا جاتقاندا كە­رەمەت اسەر العانىن ايتادى. «قازاق دالاسى وتە ۇلكەن, تا­بي­عاتى بىزگە ۇنادى. الايدا ءبىر قا­لادان كەلەسى قالاعا جەتۋدىڭ ءوزى ۇزاق ۋاقىت الادى ەكەن. جا­سىراتىنى جوق, جولدا اۆتوبۋس سىنىپ, وزگە دە قيىندىق بولدى. بىراق جەرگىلىكتى اكىمدىك جەدەل جەتىپ, قولۇشىن سوزدى. قازاق حالقىنىڭ قوناقجايلىعىن تاعى دا ەرەكشە ايتقىم كەلەدى, ءتىپتى پوليتسەيلەر دە جاردەمىن اياماي, جول كورسەتىپ وتىردى», دەيدى تۇرىك ساياحاتشىسى.