ءوڭىردىڭ 85 جىلدىق تورقالى تويى اياسىندا اۋدانداردا «مادەنيەت – اسىل قازىنام» تاقىرىبىندا مادەنيەت كۇندەرى وتكىزىلىپ جاتىر. ءىس-شاراعا ەلىمىزدىڭ ءار قيىرىندا ەڭبەك ەتىپ جاتقان مادەنيەت مايتالماندارى, ونەر جۇلدىزدارى دا ۇلەس قوسۋعا نيەتتى.
تىزگىندى العاش بوپ تالاي تالانتتى تۇلەتكەن تۇرار رىسقۇلوۆ اۋدانى قولعا الدى. قۇلان اۋىلىندا ورنالاسقان ورتالىق ساياباق ادام تانىماستاي وزگەرگەن. كەزىندە قوقىس شاشىلىپ جاتاتىن ايماق جەرگىلىكتى اتقارۋشى بيلىكتىڭ ىقپالىمەن ۋاقىت تالابىنا ساي جاڭعىرىپتى. ءبىر سوزبەن ايتقاندا, توز-توزى شىققان ساياباق جانعا جايلى سايالى مەكەنگە اينالعان.
مۇندا ۇيىمداستىرىلعان اۋىلشارۋاشىلىق ونىمدەرىنىڭ جارمەڭكەسى, سپورتتىق ويىنداردان وتكەن ءتۇرلى جارىستار كوپشىلىكتىڭ كوڭىلىنەن شىقتى. سونداي-اق ءتۇرلى باعىتتاعى تاقىرىپتىق كورمەلەردى قىزىعا تاماشالاۋشىلاردىڭ دا قاراسى كوپ بولدى.
تۋعان جەرگە ات باسىن بۇرعان ونەر جۇلدىزدارى كومپوزيتور گۇلنۇر ومىرباەۆا, انشىلەر دوسىمجان تاڭاتاروۆ پەن «جىگەر» توبىنىڭ جىگىتتەرى, وزگە انشىلەر قاتىسقان كونتسەرتتىك باعدارلاما دا ءساتتى ۇيىمداستىرىلدى.
ەسىمى ەلگە بەلگىلى تەاتر جانە كينو اكتەرلەرى باقىتجان الپەيىسوۆ, جانداربەك سادىرباەۆ, جالعاس تولعانباي باستاعان ونەر ساڭلاقتارىنىڭ ەستەلىكتەرى دە جەرگىلىكتى تۇرعىنداردى قىزىقتىرعانى انىق. قىسقاسى, ءداستۇر مەن سالت دارىپتەلگەن ءىس-شارا كوپشىلىكتىڭ كوڭىلىن سەرگىتتى.
بۇل كۇنى اقىرتوبە اۋىلىندا «اۋىل ەل – بەسىگى» جوباسى اياسىندا بوي̆ كوتەرگەن 140 ورىندىق مادەنيەت ءۇي̆ى پايدالانۋعا بەرىلدى. 100-دەن اسا تۇرعىن جينالعان ءىس-شارادا اۋىل تاريحى تانىستىرىلىپ, رەترو اندەر شىرقالدى.
كەيىننەن «مادەنيەت – اسىل قازىنام» تاقىرىبىنداعى مادەني ءىس-شارا شەجىرەلى شۋ اۋدانىندا وتكىزىلدى. وعان اۋداننان شىققان بەلگىلى ونەر ساڭلاقتارى قاتىستى.
جامبىل وبلىسى