Halyk قايىرىمدىلىققورى استاناداعى باسپاناعا مۇقتاج وتباسىلارعا ارناپ «Compass North» تۇرعىن ءۇي كەشەنىنەن استانا اكىمدىگىنە 400 جاڭا پاتەر بەردى. بۇل جوبا قوردىڭ قازاقستاندىقتاردىڭ ءومىر ءسۇرۋ ساپاسىن جاقسارتۋ جانە ازاماتتارعا كومەك كورسەتۋ جۇمىستارىنىڭ ءبىر بولىگى عانا.
«Compass North» تۇرعىن ءۇي كەشەنى الەۋمەتتىك قولداۋدى ەرەكشە قاجەت ەتەتىندەردى باسپانامەن قامتاماسىز ەتۋ ماقساتىندا استانا اكىمدىگىمەن جاسالعان كەلىسىم اياسىندا سالىندى.
"مۇقتاج جاندارعا باسپانا سىيلاۋ – بۇل جاي عانا كومەك ەمەس, ادىلەتتى قوعام قۇرۋعا قوسقان ۇلەسىمىز. تيمۋر ق ۇلىباەۆتىڭ "Halyk" قورىنىڭ قولداۋى بۇل وتباسىلاردىڭ بولاشاققا دەگەن سەنىمىن ارتتىرادى دەگەن ۇمىتتەمىز. ءبىزدىڭ ماقساتىمىز - ادامدار بۇل ۇيلەردە ءومىر ءسۇرىپ قانا قويماي, قامقورلىق پەن قولداۋدى سەزىنسە ەكەن", - دەدى قور باسشىسى ساعىنبەك شۇڭكەەۆ.
شۇڭكەەۆ سونداي-اق «Compass North» تۇرعىندارى جايلى جانە قاۋىپسىز ءومىر سۇرە الاتىنىن اتاپ ءوتتى: كەشەن اۋماعى بوگدە ادامدارعا جابىق, بەينەباقىلاۋ جۇيەسى ىسكە قوسىلعان, ال بالالار مەن ەرەسەكتەر ءۇشىن سپورت الاڭدارى, دەمالىس ايماقتارى مەن سەرۋەن اللەيالارى بار.
پاتەرلەردىڭ العاشقى لەگى وتكەن جىلى تابىس ەتىلگەن, ال قالعان پاتەرلەردى استانا اكىمدىگى تاراتادى.
"Compass North" تۇرعىن ءۇي كەشەنى "نۇرلى جول" ۆوكزالىنىڭ اۋدانىندا ورنالاسقان, 11 كوپقاباتتى عيماراتتان تۇرادى. ءۇي-جايلاردىڭ جالپى اۋدانى 20 مىڭ شارشى مەتردەن اسادى, ال قۇرىلىس قۇنى شامامەن 6,9 ميلليارد تەڭگەنى قۇرادى. بارلىق پاتەرلەرگە ىشكى ارلەۋ جۇمىستارى جۇرگىزىلگەن جانە ولار قونىستانۋعا تولىق دايىن.
2016 جىلى قۇرىلعان Halyk قورى, تيمۋر ق ۇلىباەۆتىڭ جەتەكشىلىگىمەن ەلىمىزدىڭ تۇكپىر-تۇكپىرىندە مۇقتاج جانداردى قولداۋعا جانە قازاقستاندىقتاردىڭ ءومىر ءسۇرۋ جاعدايىن جاقسارتۋعا باعىتتالعان 120-دان استام الەۋمەتتىك جوبانى جۇزەگە اسىرىپ, 85 ميلليارد تەڭگەدەن استام كومەك كورسەتتى.