13 جانە 14 قىركۇيەكتە ەلورداداعى «استانا ارەنا» ستاديونىندا ديماش قۇدايبەرگەننىڭ جەكە كونتسەرتى وتەدى. كورەرمەندەرگە ىڭعايلى بولۋ ءۇشىن كونتسەرت وتەتىن ورىنعا ارنايى اۆتوبۋستار قاتىنايدى, دەپ حابارلايدى Egemen.kz.
ەلوردا اكىمدىگىنىڭ حابارلاۋىنشا, كورەرمەندەردىڭ قاۋىپسىزدىگى مەن جايلىلىعىن قامتاماسىز ەتۋ, سونداي-اق جول كەپتەلىسىن بولدىرماۋ ماقساتىندا اۆتوبۋستار بىرنەشە ورىننان قاتىنايدى:
سالتانات سارايى; «ازىرەت سۇلتان» مەشىتى; باس مەشىت.ايتا كەتەيىك, ءىس-شارا وتەتىن ورىنعا جەكە كولىكپەن كىرۋگە تىيىم سالىنادى. ال ارنايى اۆتوبۋستاردا ءجۇرۋ ءۇشىن كونتسەرت بيلەتىن كورسەتۋ قاجەت.
اۆتوبۋستار ساعات 17.00-دەن باستاپ حالىققا قىزمەت كورسەتەدى.