قازگيدرومەت ماماندارى استانا مەن تاعى ءۇش قالا تۇرعىندارىنا ەسكەرتۋ جاسادى, دەپ حابارلايدى Egemen.kz.
«بۇگىن, 9 قىركۇيەكتە اقتوبە, تۇندە اتىراۋ, قوستاناي, استانا قالالارىندا اۋا شەكتەن تىس لاستانادى دەپ كۇتىلەدى», دەلىنگەن حابارلامادا.
سينوپتيكتەر قازاقستان اۋماعىنداعى سينوپتيكالىق جاعداي مەن قاۋىپتى اۋا رايى قۇبىلىستارى بويىنشا بولجامىن ۇسىندى.
«اتموسفەرالىق فرونتتاردىڭ اسەرىنەن ەلىمىزدىڭ سولتۇستىگىندە, وڭتۇستىك-شىعىسىنداعى تاۋلى ايماقتاردا جاڭبىر جاۋىپ, نايزاعاي وينايدى. رەسپۋبليكانىڭ قالعان بولىگىندە انتيتسيكلوننىڭ اسەرىنەن اۋا رايى جاۋىن-شاشىنسىز بولادى. قازاقستاننىڭ وڭتۇستىگىندە, وڭتۇستىك-شىعىسىندا جەل كۇشەيەدى, سولتۇستىكتە, شىعىستا, ورتالىقتا تۇندە جانە تاڭەرتەڭ تۇمان كۇتىلەدى», دەپ حابارلادى «قازگيدرومەت» رمك.