ساپالى ونىمگە سۇرانىس كوپ

«گەجۋبا شيەلى تسەمەنت كومپانياسى» جشس – ەلىمىز بەن قىتاي حالىق رەسپۋبليكاسىنىڭ بىرلەسكەن جانە يندۋستريالاندىرۋ كارتاسىنا ەنگەن سىرداعى ءىرى جوبالاردىڭ ءبىرى. وسىدان 6 جىل بۇرىن يندۋستريالىق-يننوۆاتسيالىق دامۋ باعدارلاماسى اياسىندا ۇيىمداستىرىلعان جالپىۇلتتىق تەلەكوپىردە ىسكە قوسىلعان ءوندىرىس ورنىنىڭ جوبالىق قۇنى – 64 ملرد تەڭگە. قازىر جىلىنا 1 ملن توننادان استام ءونىم شىعارىپ وتىر.

جوباعا مەملەكەتتىك قولداۋ شارالارى رەتىن­دە يندۋستريالدى ايماقتان 46 گەكتار, جاتاق­حانا سالۋ ءۇشىن 4 گەكتار جەر تەلىمى تابىس­تال­عان. قۇرىلىستان بولەك, مۇناي, گاز, ۋران ۇڭعى­ما­لا­رىندا كەڭىنەن قول­دانىلاتىن تامپوناجدى تسەمەنت ءوندىرىسى وڭىردە وسىلاي باستاۋ الدى.

«كومپانيا ءتۇرلى ينۆەستيتسيالىق جەڭىل­دىكتەردى پايدالاندى. ينۆەستيتسيالىق كەلىسىم­شارتقا وتىرۋ ارقىلى قۇرىلعىلاردى الىپ كەلۋدە باج سالىعىنان, اياققا تۇرىپ كەتكەنشە كورپوراتيۆتىك تابىس سالىعىنان, جەر جانە م ۇلىك سالىعىنان بوساتىلدى. كاسىپورىن اۋدان­داردا دا ءىرى جوبالاردى جۇزەگە اسىرۋعا بولاتىنىن كورسەتتى. العاشقى ءونىمىن شىعارعاننان باستاپ ىركىلىسسىز جۇمىس ىستەپ كەلە جاتقان زاۋىت ايماقتى تولىق قامتاماسىز ەتىپ وتىر. بىرنەشە ءوڭىر زاۋىت ونىمىنە ءجيى سۇرانىس جىبەرەدى», دەيدى «Kazakh Invest» ۇك» اق وڭىرلىك فيليالىنىڭ باسشىسى مۇرات بالاباەۆ.

«گەجۋبا شيەلى تسەمەنت كومپانياسى» جشس ءونىمىن تۇتىنۋشىلار قاتارىنا 2019 جىلدان بەرى وزبەكستان مەملەكەتى دە قوسىلدى. ءوندىرىس ورنى جىلىنا وسى ەلگە شامامەن 300 مىڭ توننا ءونىم ەكسپورتتايدى. بۇل ەلىمىزدەگى تسەمەنت ەكسپورتىنىڭ 20 پايىزى ەكەن.

زاۋىتتىڭ شيەلىدەن بوي كوتەرۋىنىڭ ءبىر سەبەبى – اۋدان­داعى كەن ورىندارىندا وندىرىسكە قاجەتتى قۇم, دولوميت, اك تاسى مەن ۋاقتالعان قيىرشىق تاس شىعارىلادى. تسەمەنتكە قاجەتتى ارنايى قوسپالار عانا سىرتتان تاسىمالدانىپ وتىر. قالدىقتاردىڭ قورشاعان ورتاعا اسەرىن ازايتۋ ءۇشىن بولىنەتىن كومىرقىشقىل گازى ارنايى سۇزگىدەن ءوتىپ, تازارتىلادى.

سەرىكتەستىك العاشقى جىلدارى جەرگىلىكتى ازاماتتاردى قىتايدا وقىتۋ ارقىلى جۇمىس­شىلار دايارلاۋعا دەن قويعان. قازىر سولار ءتۇرلى قوندىرعىنىڭ ءتىلىن بىلەتىن مامانعا اينالدى. وسى كۇنى 260 تۇراقتى جۇمىس ورنىنداعى 220 جۇمىسشى – ەل ازاماتتارى. مەردىگەر مەكەمەلەردى قوسقاندا زاۋىت باس-اياعى 400-دەي ادامدى جۇمىسپەن قامتىپ وتىر. ورتاشا جالاقى مولشەرى 250 مىڭ تەڭگەدەن اسادى.

زاۋىت تەك جەرگىلىكتى حالىقتى جۇمىسپەن قام­تىپ قويماي, اۋىل تۇرعىندارىنا كومەك بەرىپ تۇرادى. ىندەت ىرگەگە جەتىپ, بالالار قاشىقتان وقي باستاعان ۋاقىتتا كومپانيا وقۋشىلارعا 150-دەن استام پلانشەت الىپ بەردى. شيەلى جۇرتىنا «جەدەل جاردەم» كولىگى مەن ينۆاتاكسي سىيعا تارتتى. ءار قىستا الەۋمەتتىك جاعدايى تومەن وتباسىلارعا كومىر, ازىق-ت ۇلىك جەتكىزىپ بەرەدى.

بىلتىر 1 100 000 توننا تسەمەنت وندىرگەن سەرىك­تەستىك بيىل دا قارقىندى تومەندەتپەك ەمەس. جۇمىس ىستەي باستاعالى بەرى جەرگىلىكتى جانە رەسپۋبليكالىق بيۋدجەتتەرگە 12 ملرد تەڭگەگە جۋىق سالىق تۇسىرگەن كاسىپورىن سا­پاعا باسا ءمان بەرەدى. وسىدان دا بۇگىندە شيەلى تسەمەنتى سۇرانىسقا يە ونىمگە اينالىپ وتىر.

قىزىلوردا وبلىسى,

شيەلى اۋدانى