مەملەكەت باسشىسى قاسىم-جومارت توقاەۆتىڭ «ادىلەتتى قازاقستان: زاڭ مەن ءتارتىپ, ەكونوميكالىق ءوسىم, قوعامدىق وپتيميزم» اتتى قازاقستان حالقىنا جولداۋى الداعى ۋاقىتتا اتقارىلۋى ءتيىس نەگىزگى مىندەتتەردى ايقىنداپ, زور جاۋاپكەرشىلىكتى جۇكتەدى. ەندى الدىمىزدا ۇلكەن جاۋاپتى مىندەت تۇر, دەپ جازادى Egemen.kz.
ءاربىر تۇرعىننىڭ سەنىمىن اقتاۋعا تۇراتىن تۇجىرىمداما, زاڭ دايىندالۋى ءتيىس جانە كۇرمەۋلى ماسەلەلەردى شەشۋدە باتىلدىق جانە تاباندىلىق تانىتۋىمىز قاجەت دەپ سانايمىن.
«سوندا عانا ءبىز ەلىمىزدىڭ الەۋەتىن كۇشەيتە الامىز. ول ءۇشىن كەز كەلگەن ءىستىڭ باستى ولشەمى تيىمدىلىك بولۋعا ءتيىس. ياعني, ءاربىر شەشىم, ءاربىر جوبا ەڭ الدىمەن ەلگە پايدالى بولۋى قاجەت», دەگەندى باسا ايتتى پرەزيدەنت.
جولداۋدا قامتىلعان ماسەلەلەر دەپۋتاتتىق ساۋالدارعا نەگىز بولىپ, وڭىرلەردى ارالاپ, تۇرعىندارمەن كەزدەسۋلەردە قوزعالعان تۇيتكىلدىڭ وڭتايلى شەشىلۋىنە سەپتىگىن تيگىزەدى دەپ سانايمىن. ارينە, ماسەلەنى شەشۋدىڭ تەتىكتەرىن ىزدەۋ ءۇشىن ءوندىرىس كولەمىن ۇلعايتۋ جانە ەكونوميكا سالالارىن كەڭەيتۋ جوسپارلارىن تالداۋ قاجەت. بۇل جونىندە پارلامەنت قابىرعاسىندا زاڭ مەن ءتارتىپتىڭ ۇستەمدىگىن ورنىقتىرۋ ءۇشىن كەشەندى شارالار قابىلدانىپ, جۇمىستار اتقارىلۋدا.
ەكونوميكانى دامىتۋدا ستراتەگيالىق باعىتتىڭ دۇرىس قۇرىلۋى كوپ ىسكە جول اشقاندىعىن كورىپ وتىرمىز. سول كوپ ءىستىڭ ەڭ ماڭىزدىلارىنىڭ ءبىرى ينفراقۇرىلىمنىڭ دامۋى بولىپ وتىر. ياعني, مەملەكەت ينفراقۇرىلىمنىڭ نەگىزگى ءرولى بولىپ تابىلاتىن كولىك, ەنەرگەتيكا, سۋ جانە الەۋمەتتىك ينفراقۇرىلىمدى بەلسەندى دامىتۋدى جالعاستىرۋدا. جايلى مەكتەپتەردىڭ, تەمىرجول ماگيسترالدارى مەن اۆتوموبيل جولدارىنىڭ قۇرىلىسىن ساپالى اياقتاۋعا باسا نازار اۋدارىلدى. كەم دەگەندە 10 مىڭ شاقىرىمدى قامتيتىن وبلىسارالىق جانە اۋدانارالىق اۆتوجولداردى ورتاشا جوندەۋ باعدارلاماسىن ماسشتابتاۋ تاپسىرىلدى. ۇكىمەت جىل سوڭىنا دەيىن ەنەرگەتيكا جانە كوممۋنالدىق سەكتورلاردى جاڭعىرتۋ جونىندەگى جاڭا ۇلتتىق جوبانى قابىلداۋى ءتيىس دەگەن ماڭىزدى ماسەلەردى اتاپ ايتتى. ودان بولەك, ەنەرگەتيكالىق سەكتور, ترانسپورتتىق ينفراقۇرىلىم, تۋريزم, سۋ ساياساتى, اگروونەركاسىپتىك كەشەن, ونەركاسىپ, ەنەرگەتيكالىق سەكتور, تسيفرلاندىرۋ دا نازاردان تىس قالمادى. ءاربىر سالا ماڭىزدى.
تەك تابىستى ىسكە اسىرۋدى قامتاماسىز ەتۋ ءۇشىن بارلىق دەڭگەيلەردە قۋاتتى ساياسي قولداۋدى قامتاماسىز ەتۋ, ۆەدومستۆوارالىق ءوزارا ءىس-قيمىلدى جانداندىرۋ, سونداي-اق مەملەكەتتىك جانە جەكە سەكتورلار اراسىنداعى ىنتىماقتاستىقتى تەرەڭدەتۋ قاجەت. مۇنداي كەشەندى ستراتەگيا قازاقستاندا ينفراقۇرىلىم جۇيەسىن باسقارۋدىڭ تۇراقتى جانە فۋنكتسيونالدىق سحەماسىن قۇرۋعا ىقپال ەتەتىن بولادى. بۇل – ۇلتتىق ەكونوميكانىڭ تۇراقتىلىعى مەن وركەندەۋىنىڭ كەپىلى.
جانبولات جورگەنباەۆ,
پارلامەنت سەناتىنىڭ دەپۋتاتى