يامايكانىڭ فولمۋت قالاسىندا 16 جاستاعى ءجاسوسپىرىم ۇلكەن اق اكۋلانىڭ قۇربانى بولعان. جەرگىلىكتى تۇرعىنداردىڭ ايتۋىنشا, جىرتقىش جىگىتتىڭ باسىن تىستەپ الىپ, دەنەسىن قاتتى زاقىمداعان, دەپ حابارلايدى Egemen.kz Jamaica Observer سايتىنا سىلتەمە جاساپ.
قايتىس بولعان جاس جىگىتتىڭ اكەسىنىڭ ايتۋىنشا, ۇلى اتا-اناسىنىڭ قارسىلىعىنا قاراماستان, دۇيسەنبى كۇنى سۋ استىندا بالىق اۋلاۋعا بارعان. كەلەسى كۇنى جەرگىلىكتى بالىقشىلار مەن سۇڭگۋىرلەر جىگىتتى ىزدەۋگە شىققان. ولار ءجاسوسپىرىمنىڭ باسى كەسىلگەن, سول قولى جوق ءمايىتىن تاپقان.
ءجاسوسپىرىمدى ىزدەۋگە شىققان بالىقشىلاردىڭ ءبىرى جاقىن جەردەن اكۋلانى بايقاپ, ونى ولتىرمەك بولعان. جەرگىلىكتى تۇرعىندار اكۋلالار كرۋيزدىك كەمەلەردىڭ سوڭىنان فولمۋت سۋلارىنا ءتۇسىپ, ادامداردى اۋلاۋ ءۇشىن قالاتىنىن ايتقان. سونىمەن قاتار ولار سوڭعى جىلدارى جىرتقىشتاردىڭ ادامدارعا شابۋىلى ايتارلىقتاي وسكەنىن اتاپ وتكەن.