28 تامىزدا قوعامدىق كەڭەستەردىڭ ۇيلەستىرۋ ورتالىعىنىڭ وتىرىسى شەڭبەرىندە قازاقستاندا اەس سالۋ جونىندەگى قوعامدىق تىڭداۋلاردىڭ قورىتىندىلارى تالقىلاندى, دەپ حابارلايدى Egemen.kz.
بۇگىنگى تاڭدا بارلىق وڭىرلەردە قازاقستاننىڭ ازاماتتىق اليانسى جانە قوعامدىق كەڭەستەردىڭ ۇيىمداستىرۋىمەن وتكەن قازاقستاندا اەس قۇرىلىسى ماسەلەسى بويىنشا قوعامدىق تىڭداۋلار ءوتتى.
وسى رەتتە, قازاقستاننىڭ ازاماتتىق اليانسىنىڭ پرەزيدەنتى نۇرعازيەۆا بانۋ گانيقىزى: «بەيبىت اتومنىڭ - الەۋەتى وراسان زور. ال الەمدەگى ءىرى ۋران ءوندىرۋشى ەل بولا تۇرا ونى يگەرىپ, يگىلىگىن كورمەۋ ارينە دۇرىس ەمەس. سوندىقتان دا ءبىز قازىر حالىققا وسى تۇرعىدا تۋىنداعان سۇراقتارىنا ناقتى جاۋاپ بەرىپ, ونىڭ ماڭىزدىلىعى مەن قاجەتتىلىگىن, قاۋىپسىزدىگىن تەرەڭىرەك ءتۇسىندىرۋىمىز قاجەت», دەپ اتاپ ءوتتى.
سونىمەن قاتار قازاقستاندا اەس سالۋ ماسەلەسىنىڭ ماڭىزدىلىعى تۋرالى «يادرولىق فيزيكا ينستيتۋتى» رمك باس ديرەكتورى سايابەك ساحيەۆ جانە «قازاقستاندىق اتوم ەلەكتر ستانتسيالارى» جشس ءبولىمىنىڭ جەتەكشى ينجەنەرى اسۋان سيابەكوۆ ءسوز سويلەپ, قوعامدىق كەڭەس مۇشەلەرىن مازالاعان ساۋالدارعا جاۋاپ بەردى.
ايتا كەتەيىك, قوعامدىق كەڭەستەردىڭ ۇيلەستىرۋ ورتالىعى مادەنيەت جانە اقپارات مينيسترلىگى جانىنان قۇرىلعان. اتالعان ورتالىققا مينيسترلىكتەر مەن ۆەدومستۆولاردىڭ, كۆازيمەملەكەتتىك سەكتوردىڭ جانە وبلىستاردىڭ, استانا, الماتى, شىمكەنت قالالارىنىڭ قوعامدىق كەڭەستەرىنىڭ توراعالارى مۇشەلىك ەتەدى.