قالا مەن اۋدانداردا جىل سايىن جاڭا وقۋ جىلى قارساڭىندا ۇيىمداستىرىلاتىن «مەكتەپكە جول» اكتسياسى ءوتىپ, بالالاردى قۋانتۋعا اسىققان دەمەۋشىلەر تاراپىنان كومەك كورسەتىلىپ جاتىر.
قىزىلوردا قالاسىندا وقۋ قۇرالدارى مەن مەكتەپ فورمالارى بازار باعاسىنان ارزانعا ساتىلاتىن الاڭدار اشىلعان. قالالىق ءبىلىم ءبولىمىنىڭ مالىمەتىنشە, وبلىس ورتالىعىنداعى 57 مەكتەپتەگى 1 444 وقۋشىعا سومكە, وقۋ قۇرالدارى, سپورتتىق كيىمدەر الىپ بەرىلگەن. كەيبىر وتباسىلارعا قارجىلاي كومەك كورسەتىلىپتى.
اكتسيانىڭ العاشقى لەگىندە قازالى اۋدانىنداعى الەۋمەتتىك جاعدايى تومەن, از قامتىلعان جانە كوپبالالى وتباسىلاردان شىققان 100 بالاعا مەكتەپكە قاجەتتى وقۋ قۇرالدارى سالىنعان سومكە تابىس ەتىلدى. جالپى, قايىرىمدىلىق ناۋقانى اياسىندا اۋداندا 250-دەن استام وقۋشىعا وقۋ قۇرالدارى ۇلەستىرىلەدى دەپ جوسپارلانىپ وتىر.
قايىرىمدىلىق اكتسياسىنان «شالقيا تسينك لتد» اق دا قالىس قالعان جوق. مەكەمەدەگى جاس ماماندار كەڭەسىنىڭ باستاماسىمەن مەكتەپ كەرەك-جاراقتارىن ساتىپ الۋعا قاراجات جينالىپ, جاڭاقورعاندىق وقۋشىلارعا 50 سومكە تاراتىلىپ بەرىلدى.
قىزىلوردا