قارجى مينيسترلىگى الداعى ەكى جىلعا ارنالعان رەسپۋبليكالىق بيۋدجەت جوباسىن «اشىق نقا» پورتالىندا جاريالادى, دەپ جازادى Egemen.kz.
2025-2027 جىلعا ارنالعان جوبادا 2025 جىلدىڭ قاڭتارىنان باستاپ ەڭ تومەنگى زەينەتاقى مەن ايلىق ەسەپتىك كورسەتكىش (اەك) مولشەرى كوبەيەتىنىن مالىمدەگەن.
بيىلعى ەسەپتىك كورسەتكىشتەر مولشەرى:
ەڭ تومەنگى جالاقى – 85 مىڭ تەڭگە ($176); اەك – 3692 تەڭگە (7,6 دوللار); ەڭ تومەنگى زەينەتاقى – 57 853 تەڭگە (119,8 دوللار); ەڭ تومەنگى كۇنكورىس دەڭگەيى – 43 407 تەڭگە (89,9 دوللار); ەڭ تومەنگى بازالىق زەينەتاقى تولەمى – 28 215 تەڭگە (58,4 اقش دوللارى) بولسا, 2025 جىلعا ارنالعان جوبا ماقۇلدانسا: ەڭ تومەنگى جالاقى – 85 مىڭ تەڭگە ($176); اەك – 3932 تەڭگە (8,1 دوللار); ەڭ تومەنگى زەينەتاقى – 62 771 تەڭگە (130 دوللار); ەڭ تومەنگى كۇنكورىس دەڭگەي – 46 228 تەڭگە (95,7 دوللار); ەڭ تومەنگى بازالىق زەينەتاقى تولەمى – 32 360 تەڭگە (67 دوللار) بولادى دەپ جوسپارلانىپ وتىر. سونداي-اق جاسى مەن ەڭبەك ءوتىلى بويىنشا زەينەتاقى تولەمىن 8,5%-عا ارتتىرۋ كوزدەلگەن.