قوستانايدا اكىمنىڭ جينالىسى ءوتىپ جاتقان ۋاقىتتا جارىق ءوشىپ قالدى, دەپ حابارلايدى Egemen.kz.
ەلەكتر قۋاتىنىڭ ءۇزىلۋى تۋرالى قوستاناي گەس باسشىسى ەسەت اليەۆ تۇسىنىكتەمە بەردى. قوستانايدا بۇل ماسەلە سوڭعى ۋاقىتتا جيىلەپ كەتتى. قالا تۇرعىندارى «ايكومەككە» ەلەكتر قۋاتىنىڭ ۇزىلۋىنە قاتىستى ءجيى شاعىمداناتىن بولدى.
اپاتتىڭ سالدارىنان شاعىن اۋداندار ءجيى جارىقسىز قالادى. ال ەلەكترمەن جابدىقتاۋ ۇيىمى سەبەپتەردىڭ ءارتۇرلى ەكەنىن مالىمدەدى. بىراق كوبىنەسە جەلىلەردىڭ بارىنشا توزۋىنان بولىپ وتىر.
«بىزدە ەلەكترمەن جابدىقتاۋ تۇراقتى بولۋى كەرەك. قازاندىقتاردا, قالامىزدىڭ بارلىق جەرىندە. سول سياقتى «قوستاناي-سۋ» تۇراقتى بولۋى ءتيىس. ەشقانداي سۇراق بولماۋى كەرەك. سول سەبەپتى قايتا تەكسەرۋ كەرەك. تيىسىنشە, ەمدەۋ مەكەمەلەرى دە ەلەكتر قۋاتىنسىز قالماۋى قاجەت. قالعاندارىنا شىداي الامىز, ال بۇعان كەپىلدىك بەرىلۋى ءتيىس», – دەپ اتاپ ءوتتى قوستاناي وبلىسىنىڭ اكىمى مارات جۇندىباەۆ.
بەلگىلى بولعانداي, مەحانيكالىق زاقىمدانۋ سالدارىنان ەلەكتر قۋاتى ۇزىلگەن.
«اتاپ ايتقاندا, جارىقتىڭ ءوشۋى 10كۆ «زاۆودسكايا-رپ-13» كابەلدىك جەلىسىنىڭ ءۇشىنشى تاراپ ۇيىمىنىڭ ارالاسۋىنا بايلانىستى بولدى. بۇل قالانىڭ ورتالىق بولىگىندە ەلەكتر قۋاتىنا اسەر ەتتى. سونداي-اق, قوستاناي قالالىق ەلەكتر جەلىسى بارلىق جۇمىسىن «ەپك-Forfait» جشس-مەن الدىن الا كەلىسۋ قاجەت ەكەنىن حابارلايدى», – دەدى ەسەت اليەۆ.