زاڭسىز ارەكەتتىڭ جولى كەسىلدى

«اۋداندىق ورتالىق اۋرۋحانادا ەسەپتە تۇرعاندىقتان, تەگىن ءدارى-دارىمەك الاتىن ناۋ­قاستاردىڭ سانى نەگىزسىز قىسقارتىلعان. دارى­لىك زاتتار ۋاقتىلى جەتكى­زىل­مە­گەن. جىلىوي اۋداندىق پرو­كۋ­را­تۋ­راسىنىڭ قاداعالاۋ اكتىسى بويىنشا اۋداندىق ورتالىق اۋرۋحانادا قانت ديابەتى, ارتە­ريال­دىق گيپەرتەنزيا دياگ­نوزدارىمەن ەسەپتە تۇرعان 4 مىڭ 54 ادامعا 19 ملن 155 مىڭ 349 تەڭگەنىڭ 4 866 قاپتاما كولەمىندە ءدارى-دار­مەك­تەرى بەرىلدى. ونىڭ ىشىندە «دجاردينس», «ينۆوكانا», «ترا­جەنتا», «فورسيگا» تاعى باسقا دارىلەر بار. وسىلايشا, اۋداندىق پروكۋراتۋرا تۇرعىنداردىڭ كونستيتۋتسيالىق قۇقىقتارىن قالپىنا كەلتىردى», دەپ حابار­لادى وبلىستىق پروكۋراتۋرا­دان.

ەل ازاماتتارىنىڭ كون­ستي­تۋ­تسيالىق قۇقىعىنىڭ, ءتۇرلى زاڭ­دىلىقتىڭ ساق­تالۋىن قادا­عالايتىن پروكۋرا­تۋ­را­نىڭ قىزمەتكەرلەرى اقجە­لەڭ­دىلەر تاراپىنان تاعى ءبىر زاڭسىزدىقتى اشكەرەلەدى. بۇل جولى ماقات اۋداندىق اۋرۋحاناسىنىڭ دارىگەرلەرى 13 وندىرىستىك جاراقات دەرەگىن جاسىرىپ قالعانى انىقتالىپ وتىر.

«مەديتسينالىق مەكەمەنىڭ قىزمەت­كەرلەرى 13 وندىرىستىك جاراقات فاكتىسىن جاسىرعان. اتالعان فاكتىلەر بويىنشا جۇمىس بەرۋشىنىڭ كىنا­سىنىڭ دارەجەسىن انىقتاۋ ءۇشىن مىندەتتى تەكسەرۋ-تەرگەۋ قامتاماسىز ەتىلمەگەن. سال­دارىنان جابىرلەنۋشىلەر وزدەرىنە تيەسىلى وتەماقى الۋ قۇقىعىنان ايىرىلدى. پروكۋرورلىق قاداعالاۋ اك­تى­سى نەگىزىندە اۋداندىق اۋرۋحانا اكىم­شىلىك قۇقىق بۇزۋشىلىق تۋرالى كودەكسىنىڭ 96-بابىنىڭ 1-بولىگىمەن (ەڭبەك قىزمەتىنە بايلانىستى جازاتايىم وقيعا فاكتىسى تۋرالى حابارلاماۋ) اكىمشىلىك جاۋاپكەرشىلىككە تارتىلدى», دەپ مالىمدەدى وب­لىستىق پروكۋراتۋرادان.

ال اۋدانداعى بەيبارىس اۋىلدىق وكرۋگىنىڭ اكىمى مەملەكەتكە قوماقتى شىعىن كەل­تىرەتىن زاڭسىز ارەكەتكە بارعان. ول «پەرۆومايسكي» جشس-عا پونتونعا ورناتىلعان سۋ ناسوسى ستانساسىن تەندەر وتكىزبەي, سەنىمگەرلىككە بەرىپ جىبەرگەن.

«ماحامبەت اۋداندىق پرو­­كۋرا­تۋ­راسىنىڭ تالداۋى شارۋاشىلىق سۋبەكتىسى پون­توندىق ستانسانى مەملەكەتكە زياندى تۇردە قولدانۋدى جالعاستىرىپ كەلگەنىن انىق­تادى. وسىعان بايلانىستى اۋدان اكىمىنە زاڭ بۇزۋ­شىلىقتى جويۋ تۋرالى ۇسىنىس بەرىلدى. قۇنى 38 ميلليون تەڭگەنى قۇ­رايتىن ناسوس ستانساسى مەملەكەت يەلىگىنە قايتارىلىپ, اۋىلدىق وكرۋگ اكىمى مەن ەسەپشىسى تارتىپتىك جاۋاپ­كەر­شىلىككە تارتىلدى», دەپ حابارلادى وبلىستىق پروكۋراتۋرادان.

ارينە, زاڭسىز ارەكەت ەرتە مە, كەش پە, ايتەۋىر, اشكەرە بولاتىنى داۋسىز. ەل­دىڭ مۇددەسىنە نۇقسان كەل­تىرىپ, تۇرعىنداردىڭ كون­ستي­تۋتسيالىق قۇقىعىن بۇزعاندار اكىمشىلىك, نە وزگە جاۋاپ­كەر­شى­لىككە تارتىلىپ جاتىر. الايدا ادىلەتتى قوعام قۇرۋعا قادام باسقان ساتتە زاڭسىز ارە­كەتكە باراتىندار ازايماي وتىر. ءار دەڭگەيدەگى باسشىلار قوعاممەن بىرگە جاڭارۋعا, قۇقىقتىق ساۋا­تىن جەتىلدىرۋگە تالپىنباسا, ادىلەتتى قازاقستاننىڭ وركەندەۋىنە قالاي ۇلەس قوسادى؟

اتىراۋ وبلىسى