شارۋاسى شيراق شىنى زاۋىتى

زاۋىتتىڭ وندىرىستىك ءبولىمى باستىعىنىڭ ورىنباسارى عالىمجان قۋاتوۆ جۇمىس بارىسىن تانىستىرىپ ءوتتى. ءوندىرىس ورنىندا شيكىزات وڭدەيتىن زاۋىت بوي كوتەرىپتى. وسىنىڭ ارقاسىندا قازىر كۆارتس قۇمى مەن ءدولوميتتى وزدەرى وڭدەپ وتىر. اقتوبەدەن جەتكىزىلەتىن قۇم اۋەلى كەپتىرىلىپ, ماگنيتتى جەلى ارقىلى وتكىزىلگەندە قۇرامىنداعى تەمىر الىنىپ قالادى. ويتكەنى شيكىزات قۇرامىندا تەمىر كوپ بولسا, ءونىمنىڭ مولدىرلىگى كەمي بەرمەك.

«قازىر شىنى زاۋىتىنىڭ قۋاتتى­لىعى 91 پايىزعا جەتتى. جوبالىق قۇنى تاۋ­لىگىنە 600 توننا بولاتىن بولسا, وسى كۇنى 530 توننا شىعارىپ وتىرمىز. جەت­پىس پايىز ءونىمىمىز ىشكى نارىقتا قال­سا, قال­عانى ورتالىق ازيا, رەسەي, ازەر­بايجان مەن گرۋزياعا جونەلتىلىپ جاتىر», دەيدى.

باستاپقىدا 40 ملرد تەڭگە شەتەل ينۆەستيتسياسى سالىنعان زاۋىت قازىر اۋماعى 50 گەكتار بولاتىن الىپ كەشەنگە اينالعان. وندا ءۇش اۋىسىم بويىنشا 400-گە جۋىق ادام جۇمىس ىستەيدى. دەنى – جەرگىلىكتى ازاماتتار. ولارعا بۇرىن-سوڭدى ەلىمىزدە بولماعان ءوندىرىستىڭ قىر-سىرىن قىتايلىق ماماندار ۇيرەتەدى.

زاۋىتتاعى باستى نىسان – بالقىتۋ پەشى. وعان 7 ءتۇرلى قوس­پادان قۇرالعان شيكىزات ۇزدى­ك­­سىز جەتىپ تۇر. مۇنداعى قا­لىپ­­تى تەمپەراتۋرا 1 550 گرادۋس ەكەن. قىزۋدىڭ 1 گرادۋسقا تو­مەندەگەنى دە ءونىم ساپاسىنا اي­تارلىقتاي اسەر ەتەدى. مامان­دار پەش 8-10 جىلعا دەيىن ءۇزىلىس­سىز جۇمىس ىستەۋى كەرەكتىگىن ايتادى. سوندىقتان قوسىمشا گاز جەتكىزەتىن جەلى قاراستىرىلىپ, رەزەرۆكە قويىلعان. ال بالقىعان سۇيىقتىقتى سىڭعىرلاعان اي­نەككە اينالدىراتىن جەلى بويىن­داعى قوندىرعىلاردىڭ بارلىعى دەرلىك يتاليا, فينليانديا, گەر­مانيا, تۇركيا مەن قىتايدا شى­عارىلعان زاماناۋي ۇلگىدەگى تەحنولوگيالار.

جەلى بويىندا اينەك فورماسىن قالىپتاستىراتىن ارنايى قون­دىرعى تۇر. شىنىنىڭ كولە­مىن اۆتوماتتى قوندىرعىلار بەلگى­لەيدى. اينەكتىڭ شەتىنەن كەسىلگەن بولىگى بىردەن شيكىزاتقا قايتا جونەل­تىلىپ جاتىر. ءدال وسى جەردە قا­باتتاپ جيناعاندا جابىسىپ قال­ماۋى ءۇشىن ارنايى ۇنتاق سەبى­لەدى. وسىدان كەيىن قويماداعى روبوتتار نەمىس قوندىرعىسى بەرگەن نۇسقاۋ بويىنشا تاباقشا شىنىلاردى ماركاسىنا قاراي جينايدى.

قويما جانىندا زاۋىت تاپسىرىسىمەن دايىن ونىمگە جاشىك دا­يىندايتىن سەرىكتەستىك بار. قالادا جىلىنا 197 مىڭ توننا ءونىم شىعاراتىن ءوندىرىس سۇرا­­نىسىن وتەۋ ءۇشىن وسىنداي 5 كوم­­پانيا جۇمىس ىستەپ جاتىر ەكەن. قويماعا تەمىرجول تۇيى­عى ارقىلى كىرەتىن ۆاگوندارعا توننا­لاعان اينەكتەردى اسپالى كراندار تيەيدى. سۇرانىسقا يە ءونىمنىڭ ءبىرى – دجامبو-اينەك. ۇزىندىعى – 6, ەنى 3,2 مەتر بولاتىن شىنى دا قويمادا ۇقىپتى جينالىپ تۇر.

«Orda Glass LTD» سەرىكتەس­تىگىنىڭ بيىلعى تابىسى – ەنەرگيا ۇنەمدەيتىن شىنى ءوندىرىسى. جالپى قۇنى 6,7 ملرد تەڭگە بولاتىن ءدال وسى جوبا بويىنشا جىلىنا 5 ملن شارشى مەتر ءونىم شىعارىلادى.

«بۇل اينەكتەردىڭ جىلۋ ساق­تاۋ­داعى تيىمدىلىگى الدەقاشان دا­لەلدەنگەن. ساپانى ەسكەرىپ, قازىر م0+ ماركاسىن شىعارىپ جاتىرمىز. شىلدە ايىنىڭ سوڭىنا دەيىن 170 مىڭ شارشى مەتر كۇننەن قورعايتىن جانە جىلۋ ۇنەمدەگىش اينەك وندىردىك», دەيدى وندىرىستىك ءبولىم باستىعىنىڭ ورىنباسارى عالىمجان قۋاتوۆ.

ماماندار شىنى زاۋىتى­نىڭ ىسكە قوسىلۋى شيكىزاتتىق ەمەس سەكتوردى دامىتىپ, ىلەسپە ون­دىرىستەردى قۇرۋعا مۇمكىندىك بە­رەتىنىن ايتادى. وڭىردەگى يندۋس­تريالاندىرۋ باعدارلاماسى­نىڭ نەگىزگى جوباسى سانالاتىن زاۋىت­تىڭ ىسكە قوسىلۋىنا «Kazakh Invest» ۇك» اق قولداۋ تانىتىپتى. اكتسيونەرلىك قوعامنىڭ وڭىردەگى وكىلدىگىنىڭ جەتەكشىسى مۇرات بالاباەۆ وندىرىستىك اي­ماقتا شىنى كلاستەرىن قالىپ­تاستىرۋ باستاماسى قولعا الىنعا­نىن ايتىپ ءوتتى. «Kazakh Invest» ۇك» اق مەن وبلىس اكىمدىگىنىڭ بىرلەسكەن جۇمىستارى ارقاسىندا گەرمانيا تەحنولوگياسىمەن شىنى بوتەلكەلەر شىعاراتىن ءوندىرىس ءوز جۇمىسىن باستايدى. قىتاي مەن بەلارۋس ينۆەس­تورلارىمەن اۆتوكولىك تەرە­زەلەرىن شىعارۋعا كەلىسىم جاسالدى. شىنى تالشىقتارىن ءوندىرۋ باعىتىنداعى جوبالار دا پىسىقتالىپ جاتىر.

«2021 جىلى ەلىمىز سىرتتان 260 ملن دوللارعا اينەك الدىرعان ەكەن. ونىڭ باسىم بولىگى – قۇرىلىستا كەڭىنەن قولدانىلاتىن وسى تا­باق­شا شىنىلار. ال قىزىلوردادا كومپانيا ىسكە قوسىلعالى بەرى ءونىم باعاسى تومەندەپ, سىرتقا تاۋەلدىلىكتەن ارىلدىق. قازىر كا­سىپورىن ءونىمى ىشكى سۇرانىستى تولىق وتەپ, ەكسپورتقا دا شىعا­رىلىپ جاتىر», دەدى وڭىرلىك فيليال ديرەكتورى.

قىزىلوردا