بۇگىن دۋشانبەدە قازاقستاننىڭ تاجىكستانداعى مادەنيەت كۇندەرى اياسىندا قازاقتىڭ ۇلى اقىنى اباي قۇنانباەۆتىڭ ءبيۋستى سالتاناتتى تۇردە اشىلدى, دەپ جازادى Egemen.kz.
تاۋ تۇلعاعا ارنالعان ەسكەرتكىش دۋشانبەدەگى ابىلقاسىم فيرداۋسي اتىنداعى مادەنيەت جانە دەمالىس ساياباعىندا ورناتىلعان.
اشىلۋ راسىمىنە قاتىسقان مادەنيەت جانە اقپارات ءمينيسترى ايدا بالاەۆا بۇل شارا ەكى حالىقتىڭ ىنتىماقتاستىعىن ارتتىرا تۇسەتىنىن ايتتى.
«بۇگىندە قازاقستان مەن تاجىكستاندى مەملەكەت باسشىلارىنىڭ دوستىق پەن ءوزارا سەنىمگە نەگىزدەلگەن كۇش-جىگەرى عانا بىرىكتىرىپ وتىرعان جوق. تاجىكستان استاناسى دا قازاق حالقىنىڭ داڭقتى پەرزەنتىنىڭ تۇلعاسى تۇعىرعا قونعان الەم استانالارىنىڭ بىرىنە اينالادى. باستىسى, بۇل قادام ەكى ەل ومىرىندەگى ماڭىزدى وقيعا بولۋىمەن قاتار, قوس حالىقتى جاقىنداستىرا تۇسەتىن رۋحاني جانە مادەني بايلانىستارعا تىڭ سەرپىن بەرەرى ءسوزسىز», دەدى ايدا بالاەۆا.