عالام عاجاپتارى: جىل بالاسى

حەمان حيمياعا التى جاسىنان قىزىعۋ­شىلىق تانىتقان. سول كەزدىڭ وزىندە-اق ول ادامداردى كۇننىڭ زياندى اسەرىنەن قورعاۋدى ارمانداعان. وسى يدەيامەن حەمان زەرتتەۋشىلەر بايقاۋىندا جەڭىسكە جەتىپ, 25 000 دوللار كولەمىندە سىياقى الدى. «سابىن – كۇندەلىكتى قولدانىلاتىن زات. سوندىقتان تەرى وبىرىمەن كۇرەستە ءتيىمدى نارسە. كوپ ادام الەمدە اشىلاتىن جاڭالىقتىڭ ءبارى اشىلدى دەپ ويلايدى. جوق, يدەيانىڭ شەگى بولمايدى. الەمدى جاقسارتۋدى جالعاستىرا بەرۋ كەرەك», دەيدى جاس عالىم.

گۇل كىلەم

بەلگيا استاناسى بريۋسسەلدىڭ ورتالىعىنا مىڭداعان گۇلدەن الىپ كىلەم توسەلدى. ماڭگىلىك تۇرماسا دا, ءمان-ماعىناسى زور تۋىندى قالاعا كەلگەن قوناقتاردىڭ كوز قۋانىشىنا اينالعان.  

مۇنداي كىلەمدى بريۋسسەلدە ەكى جىلدا ءبىر رەت قانا كورۋگە بولادى. ونىڭ وزىندە ارنايى ءبىر تاقىرىپقا نەگىزدەلەدى. ۇزىندىعى – 77 مەتر, ەنى 24 مەتر بولاتىن الىپ كىلەمدى توسەۋ ءۇشىن بيىل 130 ەرىكتى جۇمىلدىرىلعان. 500 مىڭ نارعىزگۇلدەن جاسالعان كىلەمدى كوپشىلىك تەك ءتورت كۇن عانا تاماشالايدى. ودان سوڭ سۋرەتى اشىقحاتتار مەن كۇنتىزبەلەرگە باسىلىپ, الداعى ەكى جىلدا بريۋسسەلدىڭ باستى رامىزىنە اينالادى.

ەڭ العاشقى فوتوسۋرەت

ادامزات تاريحىنداعى ەڭ العاشقى فوتوسۋرەت 1826 جىلى تۇسىرىل­گەن. اتاۋى – «تەرەزەدەگى كورىنىس». ونى كادرعا العان – فرانتسۋزدىق ونەرتاپقىش جوزەف نيسەفور نەپس ەدى.

شەبەرحانا تەرەزەسىندەگى كورىنىستى فوتوسۋرەتكە ءتۇسىرۋ نەپس مىرزانىڭ 14 ساعات ۋاقىتىن الىپتى. سۋرەتتىڭ ساپاسى ناشار بولعانىمەن, فوتوگرافيا تاريحىنىڭ باس­تاۋى وسى كەسكىننەن باستالادى. ال تاريحي سۋرەتتىڭ تۇپنۇسقاسى قازىرگى تاڭدا تەحاس شتاتىنىڭ وستين قالاسىنداعى زەرتتەۋ ورتالىعىندا ساقتاۋلى تۇر.