قازاقستان بوكس فەدەراتسياسىنىڭ ۆيتسە-پرەزيدەنتى مۇحتارحان دىلدابەكوۆ ۇلتتىق قۇرامانىڭ جاڭا باس باپكەرى قايرات ساتجانوۆقا قانداي تالاپ قويىلعانىن ايتتى, دەپ جازادى Egemen.kz.
مۇحتارحان دىلدابەكوۆتىڭ ايتۋىنشا, قايرات ءساتجانوۆ الداعى وليمپيادالىق تسيكلگە ۇتىمدى جوسپار ۇسىنعان. دەسە دە فەدەراتسيا باس باپكەرگە ناقتى تالاپ قويعان.
«پاريج وليمپياداسىنىڭ قورىتىندىسى بويىنشا باس باپكەردى اۋىستىرعانىمىزدى بىلەسىزدەر. وعان قويىلعان نەگىزگى تالاپتاردىڭ ءبىرى - كوماندادا جەكە شاكىرتىنىڭ بولماۋى.
سونداي-اق شەتەلدىك ماماندارمەن جۇمىس ىستەپ, ءجاسوسپىرىم جانە جاستار كوماندالارىنا بىردەي كوڭىل ءبولۋدى جوسپارلاپ وتىرمىز», دەدى مۇحتارحان دىلدابەكوۆ.
باس باپكەردى تاعايىنداردا ونىڭ جەتەكشىلىگىمەن 2021 جىلى سەربيادا وتكەن الەم چەمپيوناتىندا ۇزدىك ناتيجە كورسەتكەنى دە ەسكەرىلگەن.
بۇعان دەيىن بوكستان قازاقستان ەرلەر قۇراماسىن باپتاعان 10 ادام جۇمىستان شەتتەتىلگەنىن جانە جاڭا باس باپكەر رەتىندە قايرات ءساتجانوۆ تاعايىندالعانىن حابارلاعان ەدىك.