قازاقستاندا كۇزدە اۋا رايى قانداي بولادى

سينوپتيكتەردىڭ بولجاۋىنشا, جىلى جانە از جاۋىن-شاشىندى اۋا رايى قىركۇيەكتىڭ ءبىرىنشى ونكۇندىگىندە عانا ساقتالادى, ودان كەيىن اتموسفەرالىق فرونتتاردىڭ ءجيى اۋىسۋى بايقالادى. بۇل رەسپۋبليكانىڭ باسىم بولىگىندە تۇراقسىز اۋا رايى جاعدايىنا اكەلەدى.

جاڭبىر, ەكپىندى جەل جانە اۋا تەمپەراتۋراسىنىڭ ءجيى اۋىتقۋى كۇتىلەدى, ال سولتۇستىك وبلىستاردا تۇندە 1-7°س دەيىن اياز بولۋى مۇمكىن.

وڭتۇستىك وبلىستاردا جوعارى قىسىمدى ايماقتىڭ اسەرىنەن جاۋىن-شاشىن نورمادان از بولادى, ال تەمپەراتۋرالىق فون سالىستىرمالى تۇردە جىلى بولادى. دەگەنمەن, ءبىر اي ىشىندە اۋا تەمپەراتۋراسى بىرتىندەپ تومەندەيدى: تۇندە +15...+23 °C-تان +3...+10 °C-قا دەيىن, كۇندىز +25...+35 °C-تان +15...+23 °C-قا دەيىن.

قىركۇيەك ايىندا اۋانىڭ ورتاشا ايلىق تەمپەراتۋراسى رەسپۋبليكانىڭ باسىم بولىگىندە نورمادان 1° جوعارى, باتىستا, رەسپۋبليكانىڭ شىعىسى مەن وڭتۇستىك-شىعىسىنداعى تاۋلى ايماقتاردا نورماعا جاقىن بولادى دەپ كۇتىلەدى.

قىركۇيەك ايىنداعى جاۋىن-شاشىن مولشەرى رەسپۋبليكانىڭ باسىم بولىگىندە قالىپتى شامادا جانە نورمادان جوعارى, وڭتۇستىك وبلىستاردا نورمادان تومەن بولادى دەپ بولجاندى.

قازان جانە قاراشا ايلارىندا كۇزدەن قىسقى كەزەڭگە بىرتىندەپ كوشۋ كۇتىلەدى. جالپى قازاقستاننىڭ باسىم بولىگىندە اۋا تەمپەراتۋراسى وتكەن جىلدارمەن سالىستىرعاندا تومەن بولادى, ال جاۋىن-شاشىن مولشەرى رەسپۋبليكانىڭ بارلىق دەرلىك ايماقتارىندا قالىپتى دەڭگەيدە نەمەسە ودان دا كوپ بولادى دەپ بولجاندى. رەسپۋبليكانىڭ وڭتۇستىك-باتىسىندا جانە ورتالىعىندا جاۋىن-شاشىن نورمادان از بولادى.