ءماجىلىس دەپۋتاتى, اماNات» پارتياسى فراكتسياسىنىڭ مۇشەسى بولاتبەك ناجمەتدين ۇلى شىمكەنت قالاسىنداعى №2 مامانداندىرىلعان حالىققا قىزمەت كورسەتۋ ورتالىعىنا باردى. ماجىلىسمەن ورتالىق جۇمىسىمەن تانىسىپ, ۇجىممەن كولىك يەلەرىنە قىزمەت كورسەتۋدىڭ وزەكتى ماسەلەلەرىن تالقىلادى, دەپ جازادى Egemen.kz.
شىمكەنت قالاسىنداعى ورتالىق كۇنىنە 300-گە جۋىق ادامعا قىزمەت كورسەتەدى. بيىل 35 مىڭنان استام مەملەكەتتىك قىزمەت كورسەتىپ, 12 مىڭعا جۋىق ادامعا جۇرگىزۋشى كۋالىگىن بەرگەن.
«ەكى جىل بۇرىن ءبىزدىڭ حالىققا قىزمەت كورسەتۋ ورتالىعىنداعى ادامداردىڭ ۇزىن-سونار كەزەگى كوپكە ءمالىم بولدى. ءتىپتى, كەيبىرەۋلەر كەزەككە تۇرۋ ءۇشىن قورشاۋدىڭ ۇستىنەن سەكىرىپ جاتتى. بۇل كەلەڭسىز جايت تۇركىستان وبلىسىنان كەلگەن ازاماتتاردىڭ كوپ بولۋىنان ورىن الدى, كەيىن ول جاقتا حالىققا قىزمەت كورسەتۋ ورتالىعى اشىلدى. بىراق قازىرگى ۋاقىتتا كەزەك ازايعان جوق. مەكەمەدە كومپيۋتەرلەر جەتكىلىكتى سەكىلدى, دەگەنمەن ءالى دە قاعازباستىلىق ماسەلەسى بار», دەدى شىمكەنت قالاسىنىڭ تۇرعىنى ايدوس ابدىرازاق.
ءماجىلىس دەپۋتاتى بولاتبەك ناجمەتدين ۇلى كولىك يەلەرى مەن حقو قىزمەتكەرلەرىنىڭ ماسەلەلەرى مەن ۇسىنىستارىن تىڭدادى. ول حالىققا ساپالى ءارى قولجەتىمدى قىزمەت كورسەتۋدىڭ ماڭىزدىلىعىنا توقتالدى.
«حالىق جالپى مەملەكەتتىڭ جۇمىسىن حالىققا قىزمەت كورسەتۋ ورتالىقتارى جۇمىسىنىڭ ساپاسىنا قاراپ باعالايدى. قىزمەتكەرلەردىڭ ىنتاسىن جانە كادرلىق الەۋەتىن ارتتىرۋ ءۇشىن سوڭعى ەكى جىلدا رەسپۋبليكا بويىنشا حالىققا قىزمەت كورسەتۋ ورتالىقتارى قىزمەتكەرلەرىنىڭ ەڭبەكاقىسى 100 پايىزعا كوتەرىلدى. ءبىز مامانداردىڭ ەڭبەك جاعدايىن جاقسارتۋدى جالعاستىرا بەرەمىز, بىراق ولاردىڭ دا جۇمىس دەڭگەيىنە قويىلاتىن تالاپتار ارتىپ كەلەدى», دەدى دەپۋتات.
بولاتبەك ناجمەتدين ۇلى دايىن قۇجاتتاردى بەرۋ سەكتورىنىڭ, وپەراتسيالىق زالدىڭ, اۆتودرومنىڭ جانە باسقا دا بولىمدەردىڭ جۇمىسىمەن دە تانىستى. كەزدەسۋ سوڭىندا دەپۋتات تۋىنداعان ماسەلەلەردى شەشۋگە, ونىڭ ىشىندە مامانداندىرىلعان حالىققا قىزمەت كورسەتۋ ورتالىقتارىنىڭ بالانسىندا تۇرعان اۆتودرومداردى قارجىلاندىرۋعا قاتىستى قاجەتتى قولداۋ كورسەتۋگە ىقپال ەتەتىنىن ايتتى.