استانادا 8 تامىزدا داۋىل تۇرىپ, بۇرشاق جاۋدى. قولايسىز اۋا رايىنان Air Astana اۋەكومپانياسىنا تيەسىلى 4 ۇشاق زاقىمدانعان. بۇل تۋرالى كومپانيانىڭ ءباسپاسوز قىزمەتى حابارلادى, دەپ جازادى Egemen.kz.
قازىر اۋەكومپانيا ينجەنەرلەرى زاقىمدانعان ۇشاقتاردى تەكسەرىپ, جوندەپ جاتىر. ال جوندەۋ جۇمىستارى بىرنەشە كۇنگە سوزىلماق. وسىعان بايلانىستى Air Astana اۋەكومپانياسى رەيستەردىڭ كەشىگۋى مۇمكىن ەكەنىن مالىمدەدى.
«جولاۋشىلارىمىزدان اۋەجايعا جول تارتپاس بۇرىن رەيس ستاتۋسىن اۋەكومپانيا سايتىندا تەكسەرۋلەرىن سۇرايمىز», دەلىنگەن Air Astana تاراتقان حابارلامادا.