سەنات دەپۋتاتتارى ناۋرىزباي بايقاداموۆ پەن رۋسلان رۇستەموۆ قىزىلوردا وبلىسىنىڭ تۇرعىندارىمەن كەزدەستى.
سەناتورلار الدىمەن جاڭاقورعان اۋدانىندا بولىپ, اۋدان اكىمىمەن, ءماسليحات دەپۋتاتتارىمەن جانە جەرگىلىكتى تۇرعىندارمەن كەزدەستى. وندا سەناتتىڭ زاڭ شىعارۋ قىزمەتى تۋرالى ايتىلدى, مەدياتسيا مەن ينفراقۇرىلىم ماسەلەلەرى تالقىلاندى.
سەنات دەپۋتاتتارى شيەلى اۋدانىنداعى بەستام اۋلىندا دارىگەرلىك امبۋلاتوريا قۇرىلىسىنىڭ بارىسىمەن تانىستى جانە پارلامەنتتە قارالاتىن زاڭداردى تالقىلاۋعا وراي, قۇقىق قورعاۋ ورگاندارىنىڭ قىزمەتكەرلەرىمەن كەزدەستى.
ناۋرىزباي بايقاداموۆ پەن رۋسلان رۇستەموۆ قارجى مونيتورينگى اگەنتتىگىنىڭ قىزىلوردا وبلىستىق ەكونوميكالىق تەرگەۋ دەپارتامەنتى وكىلدەرىمەن دە كەزدەستى. كەزدەسۋ بارىسىندا پرەزيدەنتتىڭ ۇلتتىق قۇرىلتايدا ايتقان باستامالارى مەن پارلامەنتتە قابىلدانعان زاڭداردىڭ ەرەكشەلىكتەرى تالقىلاندى.
دەپۋتاتتاردىڭ جۇمىس ساپارى تاسبوگەت كەنتىندە ودان ءارى جالعاستى. ولار اباتتاندىرۋ بارىسىمەن تانىستى جانە سۋارۋعا ارنالعان سۋ ماسەلەسىن كوتەرگەن جەرگىلىكتى تۇرعىندارمەن كەزدەستى. ساپار بارىسىندا سونداي-اق №4 ەمحانادا بولىپ, مەديتسينالىق قىزمەتكەرلەرمەن مەكەمەنىڭ جۇمىسىن جاقسارتۋ ماسەلەسىن تالقىلادى.