توقسان تۇلپار توپقا ءتۇستى

جالپى جۇلدە قورى 24 900 000 تەڭگەنى قۇراعان جارىس بايگەنىڭ 4 ءتۇرى: ­قۇنان بايگە, توپ بايگە, جورعا جارىس جانە الامان بايگە بويىنشا ءوتتى.

– بۇل باسەكە – بايگەدەن ەل چەمپيو­ناتىنىڭ 8-كەزەڭى. ال ءبىر جاعىنان وسى كۇزدە استانادا وتەتىن V دۇنيەجۇزىلىك كوشپە­لىلەر ويىندارىنا ىرىكتەۋ ەسە­بىندە ءوتىپ جاتىر. ات جارىسىنا ەلىمىزدىڭ تۇكپىر-تۇكپىرىنەن ەڭ ۇزدىك جىلقىلار جينالدى. ولار بايگەنىڭ ءتورت تۇرىنەن, ياعني قۇنان بايگە, توپ بايگە, الامان بايگە جانە جورعا جارىس اتالىمى بويىنشا سىنعا تۇسەدى. ءار بايگە تۇرىنە شامامەن 25 تۇلپار قاتىستى. بۇل اتتاردىڭ جاعدايى جاقسى, الداعى ۇلكەن دوداعا دا­يىن, – دەدى «باي­گە» فەدەراتسياسىنىڭ اتقارۋشى ديرەكتورى التاي بيمەن.

قۇنان بايگەدەن ءبىرىنشى بولىپ كەلگەن «قامىسقۇلاق» اتتى تۇلپاردىڭ شاباندوزى اسلانبەك ابدىقال جەڭىس جولىندا باپ­كەر­دىڭ كەڭەسى كومەك بولعانىن ايتادى.

– باپكەردىڭ ايتۋىمەن شاۋىپ وتىردىم. ول ماعان جارىس باستالا سالا الدىڭعى توپتا بولۋعا كەڭەس بەردى. سوڭعى اينالىمدا ءبىرىنشى بولىپ العا وزدىم. مارەگە 500 مەتر قالعاندا ارتىمنان تاعى ءبىر ات كەلە جاتتى. جەتىپ الا ما دەپ قورقىپ ەدىم, بىراق مەن ءبىرىنشى كەلدىم. ەندى كوشپەلىلەر ويىندارىنا دا­يىندالامىن, – دەدى جاس شابان­دوز اسلانبەك ابدىقال.

2-ورىنعا «نايزا» اتتى قۇنان يە بولدى, شاباندوزى – ارنات مۇراتحان. جۇلدەگەرلەر ۇشتىگىن «ايشۋاق» اتتى اتقا مىنگەن اڭسار ارىستانبەك تۇيىندەدى.

توپ بايگەدە شاباندوز ءالي­حان جانى­بەك ۇلى «عاسىر» اتتى ساي­گ ۇلىكپەن مارە سى­زىعىن ءبىرىن­شى بولىپ كەسسە, 2-ورىندى ءدىلنۇر نۇرمۇقاش «راۆشان» اتتى تۇل­پا­رىمەن, 3-ورىندى قايىرجان ءاليحان «تاۋەكەلگە» ءمىنىپ جەڭىپ الدى.

جورعا جارىسىنىڭ قورىتىن­دىسىنا كەلسەك, 1-ورىندا – «وردا» (شاباندوزى يۋري لىمار), 2-ورىندا – «ۆىپۋسك» (شاباندوزى انۋاربەك ابدراحمانوۆ), 3-ورىندا – «اقجاۋىن» (شاباندوزى ەربۇلان تىلەعالي ۇلى).

الامان بايگەنىڭ ناتيجەسى بو­يىنشا 1-ورىندى «سوفلور لەند» اتتى ايعىر يەلەنسە (شاباندوزى ءامىر امان ۇلى), 2-ورىندى «بە­رەكە» (شاباندوزى يرينات سان­جار), 3-ورىندى «شايكۇرەڭ» (شاباندوزى ارنات مۇراتحان) ۇتتى. ءىس-شارانىڭ سەرىكتەستەرى – ۇل­تىق سپورت قاۋىمداستىعى, رەس­پۋب­ليكالىق «بايگە» فەدەراتسياسى جانە پاۆلودار وبلىسىنىڭ اكىمدىگى.

ەسكە سالا كەتەيىك, رەسپۋب­ليكالىق «بايگە» فەدەراتسيا­سى قازاقستان رەسپۋب­ليكاسى ۇلتتىق سپورت قاۋىمداستىعى­نىڭ قۇرامىنا كىرەدى. قاۋىمداس­تىق قۇرامىندا بۇدان وزگە «اۋدارىسپاق», «كوكپار», «تەڭگە ءىلۋ», «ساداق اتۋ», «جامبى اتۋ», «قۇسبەگىلىك», «اسىق اتۋ», «Joryq» ات سپورتى ت.ب. فەدەراتسيالار بار. ۇلتتىق سپورت قاۋىمداستىعىن بەلگىلى كاسىپكەر, مەتسەنات, «Altyn Qyran Foundation» قوعامدىق قورى قامقورشىلىق كەڭەسىنىڭ توراعاسى يسلامبەك سالجانوۆ باسقارادى.

بيىل 8-13 قىركۇيەكتە استانا قالا­سىندا V دۇنيەجۇزىلىك كوشپەلىلەر ويىندارى وتەدى. ءىس-شاراعا 89 ەلدەن 2 مىڭنان اسا سپورتشى قاتىسادى دەپ جوس­پار­­لان­عان. استانادا وتەتىن دۇ­نيە­جۇزىلىك كوش­پەلىلەر ويىندارىندا بارلىعى 21 سپورت تۇرى­نەن 97 مەدال جيىنتىعى ساراپقا سالىنادى.

پاۆلودار