ۇلتتىق وليمپيادا كوميتەتىنىڭ پرەزيدەنتى گەننادي گولوۆكين بوكستان قازاقستان قۇراماسىنىڭ وكىلى نازىم قىزايبايدى 2024 جىلى پاريجدە ءوتىپ جاتقان وليمپيادا ويىندارىندا قولا جۇلدەگەر اتانۋىمەن قۇتتىقتادى, دەپ حابارلايدى Egemen.kz.
«نازىمدى وليمپيادا ويىندارىنىڭ قولا مەدالىمەن قۇتتىقتايمىن! نازىم ۇزاق جىلدار بويى ەلىمىزدەگى ايەلدەر بوكسىنىڭ جارقىن وكىلى ءارى كوماندانىڭ كوشباسشىسى بولىپ كەلەدى. ءوزىنىڭ العاشقى وليمپياداسىنا قاتىسقانىنا قاراماستان, ول الەمدەگى ەڭ مىقتى سپورتشىلاردىڭ قاتارىنان ەكەنىن تاعى ءبىر دالەلدەدى. ءسىزدىڭ بۇل جەتىستىگىڭىز كوپتەگەن جاس اتلەتكە جىگەر سىيلاپ, ەڭبەك پەن ءتوزىمنىڭ اقتالاتىنىنا شىنايى ۇلگى بولسىن دەپ تىلەيمىن. قازاقستان ۇلتتىق وليمپيادالىق كوميتەتىنىڭ اتىنان نازىم مەن ونىڭ باپكەرى دولكۋنجان كامەكوۆتى جانە بارشا قازاقستاندىقتاردى وليمپيادا مەدالىمەن قۇتتىقتايمىن!», دەدى گەننادي گولوۆكين
ەسكە سالايىق, نازىم قىزايباي 50 كەلى سالماقتا جارتىلاي فينالدا قىتايلىق ۆۋ يۋعا ەسە جىبەرىپ, قولا جۇلدەگە يە بولدى.