بالقاشتا «قوڭىرات» شاعىن اۋدانىنداعى كوپقاباتتى تۇرعىن ءۇي ورتەنىپ, سالدارىنان وتىز ادام باسپاناسىز قالدى, دەپ حابارلايدى Egemen.kz.
انىقتالعانداي, تۇرعىن ءۇيدىڭ سەگىز پاتەرى وتقا ورانىپ, 700 شارشى مەتردى شارپىعان. زارداپ شەككەن تۇرعىندار جوق, بىراق 30 وتباسى باسپاناسىنان ايىرىلعان. قازىر ولار ۋاقىتشا №3 مەكتەپ ينتەرناتقا ورنالاستىرىلعان.
سونىمەن قاتار ءار وتباسىعا اكىمدىكتەن ءبىر مەملەكەتتىك مەكەمەنىڭ باسشىسى بەكىتىلگەن. سونداي-اق بالالاردى ساۋىقتىرۋ لاگەرلەرىنە, زەينەتكەرلەردى شيپاجايعا جىبەرۋ ماسەلەسى قاراستىرىلىپ جاتىر.
ء«ورت سالدارىنان 8 پاتەرلى تۇرعىن ءۇيدىڭ بۇكىل الاڭىندا اعاش شاتىر مەن شاتىر جابىنى قۇلادى. ءورتتىڭ الدىن الا سەبەبى − ەلەكتر سىمدارىنىڭ قىسقا تۇيىقتالۋى», دەپ حابارلادى قۇتقارۋشىلار.