ەلوردادا ءبىر جاسار بالا تۇرعىن ءۇيدىڭ ەكىنشى قاباتىنداعى تەرەزەدەن قۇلاپ كەتتى, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
وقيعا 5 تامىزدا الماتى اۋدانىندا بولعان. ءبىر جاسار بالا ەكىنشى قاباتتىڭ تەرەزەسىنەن قۇلاپ كەتكەن.
بەلگىلى بولعانداي ءبۇلدىرشىن اۋرۋحاناعا جاتقىزىلعان.
«كىشكەنتاي بالالاردى قاراۋسىز قالدىرماڭىز, موسكيت تورلارى قۇلاۋدان قورعامايدى, بالالاردىڭ ەرەسەكتەرسىز بالكونعا شىعۋىنا جول بەرمەڭىز», دەپ حابارلادى توتەنشە جاعدايلار مينيسترلىگىنىڭ ءباسپاسوز قىزمەتى.
ەسكە سالا كەتەيىك, قاراعاندىدا 4 تامىزدا ءتورت جاسار بالا توعىزىنشى قاباتتىڭ تەرەزەسىنەن قۇلاپ, قايتىس بولدى. سونىمەن قاتار اقسۋدا ەكى جاسار بالا ەكىنشى قاباتتىڭ تەرەزەسىنەن قۇلاپ كەتكەن. ول ءتۇرلى جاراقاتتارمەن اۋرۋحاناعا جاتقىزىلعان.