ۇلۋ الەمدە ەڭ كوپ تاراعان جاندىك ساناتىنا جاتادى. وسى ءبىر جاراتىلىس تۋرالى ءسوز بولا قالسا, ونىڭ باياۋلىعى بىردەن ويعا ورالادى. بىراق سول باياۋ دەگەن جاندىكتىڭ دە جۇيرىگى بار.
جاقىندا عانا انگليانىڭ كونگحەم قالاسىندا ۇيىمداستىرىلعان ۇلۋلار اراسىنداعى الەم چەمپيوناتى ءوز مارەسىنە جەتتى. ايتا كەتەيىك, بۇل بايقاۋ جىل سايىن ءداستۇرلى تۇردە وتەدى. بيىلعى جارىستىڭ جەڭىمپازى دجەفف ەسىمدى كاسىبي ۇلۋ بولدى. ول 34 سانتيمەتر قاشىقتىقتى 4 مينۋت 3 سەكۋندتا ەڭسەردى. دجەففتىڭ يەسى, لينكولنشيردان كەلگەن سايمون ليللەي ۇلۋىن كوكتەمنەن باستاپ جاتتىقتىرعان. «ەڭبەك اقتالدى» دەگەن وسى, مىنەكەي.