ءار وليمپيا ويىنىنىڭ وزىندىك ەرەكشەلىگى بار. ادەتتە تورتجىلدىقتىڭ باستى باسەكەسىندە ۇزدىكتەردى ءبىر اي ۋاقىت كولەمىندە انىقتايدى. ال 1900 جىلى فرانتسيانىڭ باس شاھارىندا وتكەن سايىس بەس جارىم ايعا سوزىلعان.
ويتكەنى بۇل باسەكە دۇنيەجۇزىلىك كورمە اياسىندا وتكەن ەدى. II جازعى وليمپيا ويىندارى 1900 جىلى 14 مامىردا باستالىپ, 28 قازاندا اياقتالعان. ءدال وسى سپورت سايىسىندا 24 ەلدەن كەلگەن 997 سپورتشى 95 مەدالدى ءوزارا ساراپقا سالدى. سونىمەن قاتار 1900 جىلى وتكەن بۇل باسەكە ايەلدەر قاتىسقان العاشقى وليمپيادا بولۋىمەن دە ەرەكشەلەنەدى.