امەريكالىق ەريك ۆايحەنمايەر كوز تورىنىڭ تۋا بىتكەن اقاۋىنا قاراماستان, ەۆەرەست شىڭىن باعىندىرعان ازامات. ول وسىلايشا, مۇمكىندىگى شەكتەۋلى ادامداردىڭ ءوزى كوپ نارسە تىندىرا الاتىنىن دالەلدەدى.
ەريك بالا كەزىندە زاعيپتىعىن مويىنداماي, برايل جازۋىن ۇيرەنۋدەن باس تارتىپتى. نامىسىن قايراپ, جاستايىنان سپورتتى ومىرىنە سەرىك ەتەدى. قانشا مارتە سۇرىنسە دە جىگەرى جاسىمايدى. ناتيجەسىندە, 2001 جىلى گيمالايدىڭ شىرقاۋ شىڭىنا شىعىپ, الەم جۇرتشىلىعىنىڭ تاڭدايىن قاقتىرادى. 2002 جىلى سولت-لەيك-سيتيدە وتكەن پاراليمپيادا ويىندارىنىڭ ەستافەتاسىندا الاۋ جاعۋ قۇرمەتىنە يە بولادى. «ومىردە كەز كەلگەن ادامدى قۇلدىراتاتىن كەدەرگىلەر كەزدەسەدى. بىراق ءبىز ولاردى جەڭىپ, باقىتتى ءومىر سۇرە الامىز», دەيدى ە.ۆايحەنمايەر.