«تازا قازاقستان. استانا – تازالىق پەن ءتارتىپتىڭ ۇلگىسى» ەكواكتسيا شەڭبەرىندە جاڭادان «تازا استانا» الەۋمەتتىك جوباسى ىسكە قوسىلدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
«تازا استانا» جوباسى شەڭبەرىندە قاتىسۋشىلار ۇيلەردىڭ تىزىمدەرىن قالىپتاستىردى, ولاردىڭ ارقايسىسىنا باسقارۋ ورگانى (ميب/ۋك/پيك/جشس) قىزمەت كورسەتەدى, اۋلالاردىڭ ىشىندە ولاردىڭ جالدانعان سەرۆيستىك ۇيىمدارى نەمەسە اۋدان اكىمدىكتەرىنەن مەردىگەرلىك ۇيىمدار جۇمىس ىستەيدى. ءار اۋماققا ۋچاسكە شەبەرلەرى نەمەسە ديسپەتچەرلەر بەكىتىلەدى.
ارنايى قۇرىلعان كوميسسيا توقسان سايىن «ەڭ تازا اۋلا», «ەڭ ۇزدىك كاسىپورىن», «ەڭ ۇزدىك مەكەمە» اتاقتارىن بەلگىلەيدى.
كوميسسيا قۇرامىنا استانا قوعامدىق كەڭەسىنىڭ وكىلدەرى, اۋداندىق ءماسليحات دەپۋتاتتارى, «اتامەكەن» وكپ سالالىق كەڭەستەرىنىڭ, سالالىق قاۋىمداستىقتاردىڭ, مۇگەدەكتەر, ارداگەرلەر قوعامدارىنىڭ بىرلەستىكتەرىنىڭ وكىلدەرى, ەكولوگتار جانە ت.ب. كىرەدى.
ۋچاسكەلەردىڭ قىزمەت كورسەتەتىن اۋماقتارى بويىنشا قولدا بار بارلىق اقپارات قولدانىستاعى birge.astana.kz پلاتفورماسىندا تەستىلىك رەجيمدە تامىز ايىنىڭ سوڭىندا جاريا تۇردە قولجەتىمدى بولادى.