توتەنشە جاعدايلار مينيسترلىگى اۆتوكولىك جۇرگىزۋ كەزىندە ءورت شىقسا, نە ىستەۋ كەرەكتىگىن ءتۇسىندىرىپ بەردى, دەپ حابارلايدى Egemen.kz.
ۆەدومستۆوداعىلار ءبىرىنشى كەزەكتە ۇرەيلەنبەۋگە شاقىردى. باستىسى, قوزعالتقىشتى توقتاتىپ, وتالىپ تۇرعان كولىگىڭىزدى ءوشىرىڭىز. سودان سوڭ كولىكتەن شىعىپ, جولاۋشىلاردى ءتۇسىرىڭىز. ولار قاۋىپسىز قاشىقتىققا (كەمىندە 10 مەتر) كەتكەنىنە كوز جەتكىزىڭىز.
مىندەتتى تۇردە "112" نومىرىنە قوڭىراۋ شالىڭىز. ەگەر ءورت از جانە جانىپ جاتقان بولسا, ءورت سوندىرگىشتى پايدالانىپ, قىزىل جالىندى ءوزىڭىز سوندىرۋگە تىرىسىڭىز. ەسىڭىزدە بولسىن, وتتى سوندىرۋگە تىرىسقاندا تازا اۋاعا قول جەتكىزە وتىرىپ, كاپوت قاقپاعىن كوتەرمەڭىز. ەگەر ءورت سالوندا باستالسا, تەرەزەلەر مەن ەسىكتەردى قاجەتسىز اشپاڭىز. وتتەگىنىڭ جەتىسپەۋشىلىگىنەن جالىن ءسونىپ, جانۋ ساتىسىنا ءوتۋى مۇمكىن.