شىمكەنتتە "ورداباسى" يندۋستريالىق ايماعىندا الاپات ءورت كەزىندە كۇيىك جانە ۋلانۋ بەلگىلەرى بار 10 ادام (1 كۇيىك, 9 ۋلانۋ) مەديتسينالىق كومەككە جۇگىنگەن, دەپ حابارلايدى Egemen.kz.
دارىگەرلەر تەكسەرۋىنەن كەيىن 2 ادام اۋرۋحاناعا جاتقىزىلدى. قالعان 8 ادام جاعدايى قالىپتى بولۋىنا بايلانىستى ۇيلەرىنە قايتارىلدى.
پوليتسيا قىزمەتكەرلەرى ىقتيمال زاقىمدانۋ ايماعىنا قورشاۋ جۇرگىزدى. ءورت ورنىنان سەس قىزمەتكەرلەرى سىناما الدى, ونىڭ رەسمي قورىتىندىسى كەيىن بىلگىلى بولادى.
جاقىن ماڭداعى تۇرعىن ۇيلەردەن (بارلىعى 412 ءۇي, 2472 ادام تۇرادى) ەۆاكۋاتسيا پۋنكتىنە 443 ادام ەۆاكۋاتسيالاندى, ونىڭ ىشىندە 233 بالا بار. ساعات 23:20-دا ولاردىڭ بارلىعى ۇيلەرىنە جانە تۋىستارىنا كەتتى.
ەسكە سالساق, ءبىز بۇعان دەيىن شىمكەنتتەگى يندۋستريالىق اۋماعىندا گاز كۇكىرتى تۇتانىپ, ءورت شىققانى تۋرالى جازدىق. 28 شىلدە تاڭعى ساعات 05:30-دا ءورت تولىعىمەن ءسوندىرىلدى. وقيعانىڭ ءمان-جايى انىقتالىپ جاتىر.