كۇنى كەشە پنەۆماتيكالىق ۆينتوۆكامەن 10 مەتردەن نىسانا كوزدەۋدەن جۇپتىق كەزدەسۋدە قولا العان مەرگەنشى قىزىمىز الەكساندرا لە بۇگىن جەكەلەي سىندا فينالعا شىقتى, دەپ حابارلايدى Egemen.kz.
ىرىكتەۋ كەزەڭىنىڭ قورىتىندىسى بويىنشا وتانداسىمىز التىنشى ورىنعا جايعاستى. الدىن الا كەزەڭنىڭ قورىتىندىسى بويىنشا ەڭ ۇزدىك دەپ تانىلعان سەگىز سپورتشى فينالعا ءوتتى. ال ارينا التۋحوۆا 17-ءشى ورىننان كورىندى.
ەرتەڭ 29 شىلدەدە مەدالدار ساراپقا سالىناتىن بولادى.
ايتا كەتەيىك, ءبىر كۇن بۇرىن ارالاس كوماندالار اراسىنداعى جارىستا الەكساندرا لە يسلام ساتباەۆپەن بىرگە ءۇشىنشى ورىن العان بولاتىن.