ماڭعىستاۋ وبلىسىنىڭ تۇرعىنى ءراببىم بوراشەۆ 2024 جىلعى جازعى وليمپيادا ويىندارىندا باق سىنايتىن سپورتشىلارىمىزدى قولداۋ ءۇشىن فرانتسيا استاناسىنا ۆەلوسيپەدپەن بارعان, دەپ حابارلايدى Egemen.kz.
5 مىڭنان استام شاقىرىمدى ارتتا قالدىرعان ءراببىم بوراشەۆتى قر تۋريزم جانە سپورت ءمينيسترى ەرمەك مارجىقپاەۆ كۇتىپ العان.
«وليمپياداعا بارۋ – ارماندارىمنىڭ ءبىرى ەدى. جاس كۇنىمدە ارمانىمدى جۇزەگە اسىرۋعا مۇمكىندىگىم بولمادى, الايدا بيىل سونىڭ ءساتى ءتۇسىپ تۇر ەكەن. جاڭبىرعا توتەپ بەرۋ, شەكارادان جانە قالا ارقىلى وتۋگە ۋاقىت پەن شىدام قاجەت, بىراق مەن ءوز دەگەنىمە جەتتىم», دەدى راببىم بوراشەۆ.
وسىنشاما شاقىرىمدى ۆەلوسيپەدپەن ءجۇرىپ وتكەن ءراببىم بوراشەۆ وتانداستارىنا قولداۋ كورسەتكىسى كەلگەن.
ايتا كەتەيىك, ۆەلوساياحاتشى-زەينەتكەر بۇرىن قۇرىلىس سالاسىندا جۇمىس ىستەگەن. سوڭعى جىلدارى ۆەلوسپورتپەن تۇراقتى اينالىسىپ, بىرنەشە رەت جارىستارعا دا قاتىسىپ ۇلگەرگەن.