ۇكىمەت پەتروپاۆل قالاسىنداعى اپاتتى جول وتپەسىنىڭ قۇرىلىسىن اياقتاۋ ءۇشىن 2,9 ملرد تەڭگە ءبولدى, دەپ جازادى Egemen.kz.
پەتروپاۆدا 1961 جىلى سالىنعان اۆتوجول وتپەسى اپاتتى جاعدايدا تۇر.
تەمىرجول ماگيسترالى قالانى ەكى بولىككە بولەدى, كاراۆاننايا كوشەسىندەگى اۆتوجول وتپەسىنەن كۇن سايىن 16 مىڭعا جۋىق اۆتوكولىك قاتىنايدى, اۋداندار مەن وبلىس ورتالىعى اراسىنداعى كولىك پەن جاياۋ جۇرگىنشىلەردىڭ قوزعالىسىن قامتاماسىز ەتەدى.
قۇرىلىس كەزىندە اۆتوجول وتپەسىندە قوزعالىس شەكتەلەدى. وسىعان بايلانىستى, ۋنيۆەرسالنايا كوشەسىنىڭ بويىندا بۇرىننان بار جولمەن قاتارلاستىرا جاڭا جول وتپەسى سالىنباق. جوبانىڭ جالپى قۇنى 5,9 ملرد تەڭگەنى قۇرايدى, ونىڭ ءبىر بولىگىن جەرگىلىكتى بيۋدجەت قارجىلاندىرادى.