سەنات دەپۋتاتتارى نۋريا نيازوۆا مەن جاننا اسانوۆا الماتى قالالىق ءماسليحاتى دەپۋتاتتارىمەن جانە قوعامدىق كەڭەسىمەن بىرلەسە وتىرىپ الىپ شاھارداعى اتتراكتسيوندار مەن ساياباقتاردىڭ قاۋىپسىزدىگىن تەكسەردى.
دەپۋتاتتار ويىن-ساۋىق ساياباعىندا, بالالاردىڭ ويىن-ساۋىق ورتالىعىندا, گوركي اتىنداعى ورتالىق مادەنيەت جانە دەمالىس ساياباعىندا بولدى. قوعامدىق بايقاۋدىڭ باستى ماقساتى – اتتراكتسيوندار مەن بالالارعا ارنالعان ويىن الاڭدارىنداعى قاۋىپسىزدىك جاعدايى مەن كەلۋشىلەرگە قىزمەت كورسەتۋ ساپاسىن باعالاۋ, سونداي-اق ساياباقتارداعى سانيتارلىق-ەپيدەميالىق ەرەجەلەر مەن گيگيەنالىق جاعدايدى ساقتاۋدى تەكسەرۋ. دەپۋتاتتار كەلۋشىلەردىڭ جاعدايىنا, اتتراكتسيونداردىڭ جارامدىلىعى مەن پايدالانىلۋىنا نازار اۋدارىپ, جابدىقتاردىڭ تەحنيكالىق رەگلامەنتكە سايكەس قاۋىپسىزدىكتىڭ بارلىق تالابىن ساقتاۋدىڭ ماڭىزدىلىعىن اتاپ ءوتتى.
«بۇگىنگى قوعامدىق بايقاۋ الماتى قالاسى ازاماتتارىنىڭ مۇددەسىن قورعاۋعا جانە ولارعا ويىن-ساۋىق ساياباقتارىندا قاۋىپسىز جانە جايلى دەمالىستى قامتاماسىز ەتۋگە باعىتتالعان», دەپ اتاپ ءوتتى نۋريا نيازوۆا.
بايقاۋدىڭ ناتيجەسى پارلامەنتتىڭ كەزەكتى سەسسياسىنىڭ بارىسىندا زاڭ شىعارۋ قىزمەتىنە ۇسىنىلاتىن بولادى.