الاياقتىقتى كاسىپ قىلعان ادام الىسقا بارمايدى. بالكىم, بەلگىلى ءبىر ۋاقىت سايران قۇرار. جەر-جاھاندى جالپاعىنان باسىپ, ءوزىنىڭ ۇستالمايتىنىنا سەنىمدى بولار. بىراق زاڭنىڭ قۇرىعىنان قۇتىلىپ كەتۋ مۇمكىن ەمەس.
سىبايلاس جەمقورلىققا قارسى ءىس-قيمىل اگەنتتىگى 2023 جىلدان بەرى ىزدەۋدە جۇرگەن ۋ. ەسىمدى ازاماتتى ۇستاپ, الماتى قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قاماۋعا الدى. وعان بۇرىن سوت ۇكىمىمەن تاركىلەنگەن ءۇش ءۇي مەن ەكى پاتەر تۇرىندەگى مەملەكەتتىك م ۇلىكتى جىمقىردى دەگەن ايىپ تاعىلعان.
الاياقتىق الماتى قالالىق اكىمدىگى مەن ۇقك دەپارتامەنتى لاۋازىمدى ادامدارىنىڭ قاتىسۋىمەن باقىلاۋداعى ادامدارعا جالعان تومەن باعامەن جانە بەلگىلەنگەن ساۋدا-ساتتىقسىز جىلجىمايتىن م ۇلىكتى ساتۋ جولىمەن جاسالعان. 14 ماۋسىمدا بىشكەك قالاسىندا ۋ. ۇستالعاننان كەيىن ول قىرعىز رەسپۋبليكاسى ءىىم قىزمەتكەرلەرىنە جەڭىلدەتىلگەن راسىمدەرمەن ءوز ەركىمەن وتانىنا ورالۋعا دايىندىعى تۋرالى حابارلاعان.
سول كۇنى الماتى قالاسى پروكۋراتۋراسىنىڭ ۇيلەستىرۋىمەن سىبايلاس جەمقورلىققا قارسى ءىس-قيمىل اگەنتتىگى قىزمەتكەرلەرى ۋ. ەسىمدى ازاماتتى قىرعىز رەسپۋبليكاسىنىڭ شەكاراسىنان وتكىزىپ, الماتى قالاسىنا جەتكىزدى. قازىرگى ۋاقىتتا كۇدىكتىنىڭ قاتىسۋىمەن تەرگەۋ ارەكەتتەرى ءجۇرىپ جاتىر.
قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى. كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.