16 شىلدە كۇنى «قازاقستان حالقىنا» قورى ەلىمىزدە ونكولوگيالىق ناۋقاستارعا بەرىلەتىن تەگىن ءدارىنىڭ 15-تەن 6-عا دەيىن قىسقارۋىنا بايلانىستى ماسەلە كوتەرگەن ەدى. دەنساۋلىق ساقتاۋ مينيسترلىگى قوردىڭ سىنىنا جاۋاپ بەردى, دەپ جازادى Egemen.kz.
مينيسترلىك اتالعان دەرتكە شالدىققانداردىڭ ەشبىرى قاجەتتى ەمسىز قالمايتىنىن مالىمدەدى.
«ونكولوگيالىق جانە ونكوگەماتولوگيالىق اۋرۋلارمەن اۋىراتىن پاتسيەنتتەردى دارىلىك پرەپاراتتارمەن قامتاماسىز ەتۋ دەنساۋلىق ساقتاۋ مينيسترلىگىنىڭ باسىمدىعى. ءدارى-دارمەكتەردى جەتكىزۋدەگى كەز-كەلگەن ۇزىلىستەردى بولدىرماۋ ءۇشىن ۆەدومستۆو ءدارى-دارمەكتەردى ۋاقتىلى بەرۋ تەتىگىن انىقتادى. وبلىستىق دەنساۋلىق ساقتاۋ باسقارمالارى مەن ونكولوگيالىق ورتالىقتار جاعدايعا مونيتورينگ جۇرگىزەدى», دەلىنگەن مينيسترلىك مالىمدەمەسىندە.
ال پاتسيەنتتەر قاجەتتى كەڭەس پەن ءدارى-دارمەككە ءوتىنىش, ونىڭ ساپاسىنا قاتىستى وي-پىكىرىن 8 (7172) 570 950 نومەرى ارقىلى جەتكىزە الادى.