وبلىس اكىمى نۇرلىبەك نالىباەۆتىڭ توراعالىعىمەن «اۋىل اماناتى» جوباسىن ىسكە اسىرۋعا ارنالعان ءماجىلىس ءوتىپ, جيىنعا ۇكىمەت باسشىسىنىڭ كەڭەسشىسى ەرالى توعجانوۆ, «Amanat» پارتياسى قىزىلوردا وبلىستىق فيليالى, باسقارما باسشىلارى, قالا, اۋدان اكىمدەرى مەن اۋىل شارۋاشىلىعى مەكەمەلەرىنىڭ جەتەكشىلەرى قاتىستى. ماجىلىستە ازاماتتاردى جۇمىسپەن قامتۋ, اۋىل احۋالىن كوتەرۋگە ارنالعان جوبانىڭ جاي-جاپسارى تالقىلاندى.
«اۋىل حالقىنىڭ ءال-اۋقاتىن جاقسارتىپ, الەۋمەتتىك ماسەلەلەرىن شەشۋگە باعىتتالعان جوبا اياسىنداعى 2,5%-دىق جەڭىلدەتىلگەن نەسيە جۇمىسسىزدىقتى ازايتۋعا مۇمكىندىك بەرەدى. باعدارلامانىڭ وڭ ناتيجەسى كوز الدىمىزدا. وتكەن جىلى رەسپۋبليكالىق بيۋدجەتتەن 3 ملرد تەڭگە قارالىپ, 406 جوباعا نەسيە ۇسىنىلدى. 713 جۇمىس ورنى اشىلدى. بيىل 4 ملرد 600 ملن تەڭگە قارجى ءبولىنىپ وتىر. وسى مۇمكىندىكتى ءتيىمدى پايدالانىپ, اۋىل حالقىنىڭ تابىسىن ارتتىرۋدا جوعارى كورسەتكىشتەرگە جەتۋىمىز قاجەت. بۇل رەتتە اۋىل اكىمدەرىنە زور جاۋاپكەرشىلىك جۇكتەلەدى», دەدى نۇرلىبەك نالىباەۆ.
ەرالى توعجانوۆ اۋىل تۇرعىندارىنىڭ تابىسىن ارتتىراتىن باعدارلاما اياسىندا وندىرۋدەن بولەك, ءونىمدى وتكىزۋ ماسەلەسى شەشىلەتىنىن دە ايتتى. بۇل, ەڭ الدىمەن, ازىق-ت ۇلىك قاۋىپسىزدىگىن قامتاماسىز ەتۋگە مۇمكىندىك جاسايدى. ءار ءوڭىردىڭ ەرەكشەلىگىنە قاراي وندىرىستىك جوبالارعا باسىمدىق بەرىلەدى.
«اۋىل اماناتى» جوباسىن ىسكە اسىرۋدا 1 تومات پاستاسى تسەحى, 34 جىلىجاي اشىلىپ, 671 اسىلتۇقىمدى مال الىنعان. 21 ءسۇت جانە ەت ءونىمى ءوندىرىسى ىسكە قوسىلىپ, 66 اۋىل شارۋاشىلىعى تەحنيكاسى اكەلىنگەن. 14 بالىق شارۋاشىلىعى, 18 قۇس شارۋاشىلىعى قۇرىلدى. جوبا قاتىسۋشىلارىنىڭ اراسىنان 38 ادام كونديتەر جانە نان ونىمدەرىن پىسىرۋمەن اينالىسىپ, 3 گيدروپونيكا, 7 جيhاز, 34 پلاستيكالىق ونىمدەر مەن كۇرىلىس ماتەريالدارى ءوندىرىسى, 98 قىزمەت كورسەتۋ ورنى اشىلعان.
جوبا يگىلىگىن كورىپ وتىرعان 106 ەلدى مەكەندە 51 اۋىل شارۋاشىلىعى وندىرىستىك كووپەراتيۆى قۇرىلىپ, 33 كووپەراتيۆ 716 ملن تەڭگەگە قارجىلاندىرىلىپتى. بيىل 575 جوبانى جۇزەگە اسىرىپ, 610 جۇمىس ورنىن اشۋ كوزدەلىپ وتىر.
قىزىلوردا وبلىسى