13 شىلدەدە مادريدتە ءانشى ديماش قۇدايبەرگەننىڭ جانكۇيەرلەرىنىڭ كەزدەسۋى ءوتتى. ءىس-شارا ۇلتتىق دومبىرا كۇنىنە ارنالىپ, يسپانيانىڭ تۇكپىر-تۇكپىرىنەن, سونداي-اق گەرمانيا مەن شۆەيتساريادان كەلگەن جانكۇيەرلەردىڭ باسىن قوسقان, دەپ حابارلايدى Egemen.kz dimashnews.com سايتىنا سىلتەمە جاساپ.
ءىس-شاراعا قازاقستاننىڭ يسپانياداعى ەلشىلىگىنىڭ وكىلدەرى, اتاپ ايتقاندا, ەلشى دانات مۇساەۆ, ءبىرىنشى حاتشى قۋانىش ءابپاسوۆ, مادەنيەت جانە تۋريزم باسقارماسىنىڭ باسشىسى رايىمبەك توقتاۋباەۆ قاتىسقان.
يسپاندىق جانكۇيەرلەرگە قازاق تىلىنەن ونلاين ساباق بەرىپ جۇرگەن پروفەسسور ساندۋ توقتاۋباەۆا دا قاتىسۋشىلاردىڭ ىستىق ىقىلاسىنا بولەنگەن.
دومبىرا كۇنىن اتاپ ءوتۋ ءۇشىن قازاقستان ەلشىلىگى مەرەكەلىك كونتسەرت ۇيىمداستىرعان. وندا بالالار ءداستۇرلى اسپاپتا ءار ءتۇرلى شىعارمالاردى ورىنداعان. الينۇر مەن ءاليحان امانگەلدى جانە داۋلەت يسمايلوۆ ءوز ونەرلەرىن ورتاعا سالىپ, قازاق مۋزىكاسىنىڭ رۋحىن جەتكىزدى.
يسپانياداعى قازاق دياسپوراسىنىڭ وكىلى گۇلنار گۇلچا قوناقتاردى قازاقتىڭ ۇلتتىق تاعامدارىنان ءدام تاتقىزىپ, ۇلتتىق ناقىشتاعى كيىمدەرىن تانىستىرعان.
سونىمەن قاتار ءىس-شاراعا ديماشقا ارنالعان تۋىندىلارىن ۇسىنعان فان-ارت سۋرەتشىسى حوسە بۋسون, Baqytty Bala 2023 جەڭىمپازى ليۋسيا كاساني جانە La Voz Kids 2023 ءفيناليسى جالەن الي سىندى ارنايى قوناقتار قاتىسقان.
ديماش قۇدايبەرگەننىڭ جانكۇيەرلەرىنىڭ مادريدتەگى كەزدەسۋى تەك مۋزىكا مەرەكەسى عانا ەمەس, مادەنيەتتەر بىرلىگىنىڭ سيمۆولىنا اينالدى دەسەك تە بولادى.