فيلمدە وسىدان 13 جىلداي بۇرىن ءوز ءومىرىن قۇربان ەتە وتىرىپ, قاندىقول قىلمىسكەردىڭ جولىن كەسكەن جول پوليتسياسى جەكە باتالونىنىڭ ءبىرىنشى ۆزۆود كومانديرى پوليتسيا كاپيتانى عازيز بايتاسوۆتىڭ ەرلىگى تۋرالى باياندالادى, دەپ جازادى Egemen.kz Polisia.kz-كە سىلتەمە جاساپ.
فيلم رەجيسسەرى داۋرەن قامشىباەۆ اتالعان وبلىستىڭ پوليتسيا باسشىلىعى مەن قىزمەتكەرلەرىنە ءفيلمدى دايىنداۋ بويىنشا كورسەتكەن قولداۋى مەن كومەگى ءۇشىن العىس ايتىپ, تۋىندىنىڭ ستسەناريىن ۆەدومستۆونىڭ مۋزەيىنە قويۋ ءۇشىن پد باستىعى ارمانبەك بايمۋرزينگە تابىستادى.
ايتا كەتسەك, عازيز بايتاسوۆ – قازاقستانداعى ەڭ جوعارى دارەجەلى «حالىق قاھارمانى» اتاعىنا يە بولعان العاشقى پوليتسيا قىزمەتكەرى. ناقتى وقيعالارعا نەگىزدەلىپ تۇسىرىلگەن فيلم قۇقىق قورعاۋ ورگاندارىنىڭ جۇمىس بارىسىن كورسەتەدى.
كوپ ۇزاماي «كاپيتان بايتاسوۆ» ءفيلمى ەل كينوتەاترلارىندا كورسەتىلەدى.