ەندى App Store مەن Google Play-دان Paris 2024 Olympics اتتى جاڭا ءموبيلدى قوسىمشانى جۇكتەپ الۋعا بولادى, دەپ حابارلايدى Egemen.kz.
تۋريزم جانە سپورت منيسترلىگىنىڭ مالىمەتىنشە, ءسىز پاريجدە يا بولماسا ءوز ۇيىڭىزدە وتىرىپ-اق وسى قولدانبا ارقىلى وليمپياداعا قاتىستى بارلىق اقپاراتتى ءبىلىپ, باقىلاپ وتىرا الاسىز.
«Paris 2024 Olympics» ىشىندە ءسىزدى ويىندارعا جاقىن ەتۋ ءۇشىن قاجەت ينتەرفەيستىڭ ءبارى بار.
قولدانبادا ءسىز مىنالاردى تابا الاسىز:
- ءسىزدى قىزىقتىراتىن بارلىق اقپارات - «باستى» (باستى بەت).
- «مەنىڭ وقيعالارىم». ءسىز بۇل ءبولىمدى سەانستاردى باسقارۋ, بيلەتتەر تۋرالى اقپاراتتى كورۋ جانە وليمپيادادا قانداي جارىستاردا بولعانىڭىز جايلى اقپارات الۋ ءۇشىن پايدالانا الاسىز!
- «بيلەتتەر». ەگەر ءسىز بيلەتتى ساتىپ العىڭىز كەلسە نەمەسە بيلەتتى ءموبيلدى قوسىمشاعا تىركەگىڭىز كەلسە, وسى بولىمگە ءوتىڭىز.
- «كەستە». بۇل بولىمدە ءسىز سپورتشىلاردىڭ ونەر كورسەتۋ كەستەسىن جانە جارىس كەستەسىن تابا الاسىز.
- «الاۋ ەستافەتاسى» ءبولىمى بۇكىل فرانتسيا مەن شەتەلدە ەستافەتانىڭ ءجۇرىپ وتكەن باعىتىن مۇقيات قاداعالاۋعا مۇمكىندىك بەرەدى.
- «ويىن كارتاسى» سىزگە جاقىن جەردە وتەتىن جارىسقا قاتىستى بارلىق ءىس-شارانى كورسەتەدى. مەرەكەلەر, مادەني ءىس-شارالار, ۇلتتىق قۇرامالاردىڭ ۇيلەرى جانە فاناتتارعا ارنالعان ايماقتار.