ەكىباستۇز جىلۋ ورتالىعىنىڭ تاعدىرى نە بولادى؟

تۇسىنىكتىرەك بولۋى ءۇشىن ايتىپ وتەيىك, «Forbes» تىزىمىندەگى ەڭ داۋلەتتى ادامداردىڭ رەيتينگى­نەن تۇسپەيتىن قوس بيزنەسمەن يەلىكتەرىندەگى «واەك» اق ار­قىلى «پاۆلودارەنەرگو» اق كوم­پانياسىنىڭ اكتسيا­لا­رىن يەمدەنىپ وتىر. ال «پاۆلو­دار­ەنەر­گو» كومپانياسى وسى ۋاقىتقا دەيىن ەكىباستۇز جىلۋ-ەنەرگيا ورتالىعىن باسقارىپ كەلدى. بيىل­عى ماۋسىم ايىنىڭ ورتاسىندا ەكىباستۇز قالاسىنىڭ اكىمدىگى جەو-نى «سامۇرىق-ەنەرگوعا» سەنىمگەرلىك باسقارۋعا بەردى. اك­­تسيونەرلىك قوعام ستانسانى «Energy Solution Center» جشس ەن­شىلەس كومپانياسى ارقىلى باس­قارادى. «سامۇرىق-ەنەرگو» اق باسقارما توراعاسى قايرات ماق­سۇتوۆ ەكىباستۇز جەو-دا جينالىس وتكىزىپ, «Energy Solution Center» جشس باس ديرەكتورى اي­داربەك قىستاۋباەۆتى, سونداي-اق ونىڭ ءوندىرىس, قارجى جانە قام­تا­ماسىز ەتۋ جونىندەگى ورىنباسارلارىن تانىستىردى. سونىمەن قاتار ول بيىل ەكىباستۇز جەو-دا ەنەر­گەتيكالىق قازاندىقتار مەن قوسال­قى­ جابدىقتاردىڭ ءبىر بولىگىن جون­دەۋ جوسپارلانىپ وتىرعانىن اتاپ ءوتتى.

ال كاسىپورىندى بۇعان دەيىن باسقارىپ كەلگەن بيزنەستىك توپتىڭ 2023 جىلعا شوعىرلاندىرىلعان ەسەبىندە ايتىلعانداي, الەكساندر كلەبانوۆ پەن سەرگەي كان ەكىباستۇز قالاسىنىڭ اكىمدىگىنە ەكىباستۇز جەو-نىڭ جالپى قۇنى 3,7 ملرد تەڭگە تۇراتىن م ۇلىكتەرىن بەرگەن. بۇل دەگەنىمىز – وندىرىستىك, اكىمشىلىك عيماراتتار مەن قۇرى­لىستار, نەگىزگى جانە قوسالقى قا­زاندىق جابدىقتارى. ال «Forbes.kz» پورتالى حابارلاعانداي, م ۇلىكتى وتكىزۋ 2024 جىلدىڭ مامىر ايىندا جۇرگىزىلگەن, بىراق ەسەپ جاريالانعان ۋاقىتتا (2024 جىلدىڭ 26 ماۋسىمى كۇنى) «پاۆ­لو­دارەنەرگو» اق مەن ونىڭ ەن­شىلەس كومپانياسى ەكىباستۇزدا جىلۋ قۋاتىن وندىرۋمەن جانە ساتۋمەن ءالى دە بولسىن شۇعىلدانىپ وتىرعانى ايتىلادى.

«بۇل – م ۇلىكتى اكىمدىك بالانسىنا بەرۋدىڭ ەكىنشى «ترانشى». بۇعان دەيىن 2023 جىلدىڭ اقپان ايىندا كومپانيا قۇنى 1,8 ملرد تەڭگە تۇراتىن جىلۋ جەلىلەرىن, نەگىزگى جانە قوسالقى قازاندىق جابدىقتارىن اكىمدىككە وتكىزگەن. سول ۋاقىتتا مەملەكەت باسشىسىنىڭ تاپسىرماسى بويىن­شا بيزنەستىك توپ پەن ەكىباستۇز قا­لاسىنىڭ بيلىگى «ەكىباستۇز جەو-نىڭ جۇمىسىن قالپىنا كەلتىرۋ بو­يىنشا ءىس-ارەكەتتەر جوسپارىن» ازىر­لەگەن ەدى», دەلىنگەن حابارلامادا.

«پاۆلودارەنەرگو» اق-نىڭ ءباسپاسوز قىزمەتى قازىر ەكىباستۇز جەو تولىعىمەن «سامۇرىق-ەنەر­گوعا» سەنىمگەرلىك باسقارۋعا بەرىل­گە­نىن ناقتىلادى, ياعني «Energy Solution Center» جشس كاسىپ­ورىن­­دى تولىعىمەن باقى­لاۋعا العان.

«ەكىباستۇزداعى جىلۋ-ەنەرگيا ورتالىعىنا قاتىستى اقپارات بەرۋ ءبىزدىڭ قۇزىرىمىزعا جاتپايدى. سەبەبى ول ەندى 100 پا­يىز «سامۇرىق-ەنەرگونىڭ» باس­قارۋىندا. قالاداعى جىلۋ جەلى­لەرى تولىعىمەن ەكىباستۇز قالاسى اكىمدىگىنىڭ بالانسىندا ەكەنى دە بەلگىلى. «پاۆلودارەنەرگو» كوم­پانياسىنا اتالعان جەلىلەر سەنىم­گەرلىك باسقارۋعا بەرىلدى. ءبىز قالا­نى جىلۋمەن قامتۋ ۇدەرىسىنە وسى جەلىلەر ارقىلى عانا قاتىسا الامىز», دەپ مالىمدەدى كومپانيا.

الەكساندر كلەبانوۆ بۇعان دەيىن ەكىباستۇز جەو اكتيۆتەرىن 2008 جىلى جەكە كومپانيادان ساتىپ العانىن ايتقان ەدى.

ء«بىز جىلۋ جەلىلەرىنىڭ توزۋ ماسەلەسىن بۇعان دەيىن دە بىرنەشە رەت كوتەردىك. الايدا جەكە كومپانيا رەتىندە تۇتىنۋشىلار ءۇشىن بەلگىلەنگەن تاريفتىك باعانى كوتەرە المايمىز. سول سەبەپتى, كاسىپورىننىڭ شىعىنى اۋەل باس­تان كوپ. كاسىپورىننىڭ كىرىسى ءتىپتى ستانسانى قامتاماسىز ەتۋگە دە جەتپەدى» دەي كەلە, ستانسانى جەرگىلىكتى بيلىككە 1 تەڭگەگە ساتۋعا دايىن ەكەنىن مالىمدەگەن.

قازىر «پاۆلودارەنەرگو» اق-نىڭ مەنشىك يەسى «واەك» اق-نىڭ نەگىزگى اكتسيونەرلەرى – سەرگەي كان مەن الەكساندر كلەبانوۆ. ولاردىڭ ءاربىرىنىڭ ەنشىسىندەگى اكتسيا ۇلەسى – 47,1%. بۇعان قوسا ەكەۋىنىڭ «ورتالىق ازيا وتىن-ەنەرگەتيكالىق كومپانياسىندا» 50%-دان ۇلەسى بار. الەكساندر كلەبانوۆ ەلى­مىز­دەگى ەڭ باي ادامداردىڭ تىزى­مىندە 12, ەڭ ىقپالدى بيزنەسمەندەر اراسىندا 50-ورىندا تۇر. «Forbes Kazakhstan» ونىڭ داۋلەتىن شامامەن 815 ملن دوللار دەپ باعالايدى. ال سەرگەي كان العاشقى اتالعان تىزىمدە 31-ورىندا تۇر. ونىڭ داۋلەتى شامامەن – 292 ملن دوللار. كاسىپكەر جوعارىدا اتالعاندارمەن قوسا, «Circle Maritime Invest» اق كەمە قاتىناسى كومپانياسىنىڭ 50% اكتسياسىن يەلەنىپ وتىر.

ايتپاقشى, ەكىباستۇز قالا­سى­نىڭ اكىمدىگى 1 شىلدە كۇنى ەكىباستۇز قالاسىندا وبەكتىلىك اۋقىم­داعى تەحنوگەندىك سيپاتتاعى تو­تەن­شە جاعداي رەجىمىن جاريا­لادى. نەگىزگى سەبەپ – ەكىباستۇز جەو-داعى قازاندىق اگرەگاتتارىن جوندەۋگە قوسىمشا قاراجات ءبولۋ.

1956 جىلى پايدالانۋعا بەرىلگەن ستانسادا بەلگىلەنگەن ەلەكتر قۋاتى – 12 مۆت, جىلۋ قۋاتى – 750 گكال/ساع. جىلۋ ەلەكتر ورتالىعى كومىرلى شاھاردى جىلۋمەن تولىق قامتاماسىز ەتەدى. 2022 جىلدىڭ سوڭىندا ەكىباستۇز جەو-دا اپات بولىپ, قالاداعى ۇيلەردىڭ كوپ بولىگى قاقاعان ايازدا جىلۋسىز قالعانى ءمالىم. بيىل ۇكىمەت پاۆلودار, ەكىباستۇز, اقسۋ قالالارىندا جىلۋ جەلىلەرىن سالۋعا 9 ملرد تەڭگە ءبولدى. ونىڭ 3,4 ملرد تەڭگەسى ەكىباستۇزعا باعىت­تالادى.

پاۆلودار وبلىسى,ەكىباستۇز قالاسى