الەۋمەتتىك نىساندار قۇرىلىسىمەن تانىستى

الدىمەن شىمكەنتتەگى كىتاپحاناعا بارىپ, ەڭبەك ۇجىمىمەن كەزدەستى. كىتاپحانا قىزمەتكەرلەرى ماجىلىسمەنگە سۇراقتارىن قويىپ, ءتيىستى جاۋاپتارىن الدى. كىتاپحاناشىلاردىڭ جالاقىلارىن كوتەرۋ, ەڭبەك دەمالىستارىن 45 كۇنگە دەيىن ۇزارتۋ سىندى تىلەكتەرىن ءبىلدىردى. ءماجىلىس دەپۋتاتى بۇل ماسەلەلەر بويىنشا جازباشا تۇردە ءوتىنىش جازۋ كەرەكتىگىن ايتىپ, ءوز تاراپىنان ءتيىستى مەملەكەتتىك ورگاندارعا دەپۋتاتتىق ساۋال جولدايتىنىن جەتكىزدى.

ءماجىلىس دەپۋتاتى اسار شاعىن اۋدانىن­دا ورنالاسقان №90 دارىندى بالالار­عا ارنال­عان ماماندىرىلعان مەكتەپ-گيم­نا­­زيا­سىنىڭ ۇستازدارىمەن جانە وسى ءبىلىم وشا­عىندا اشىلعان كادەت سىنىبى شاكىرت­­­تەرىمەن كەزدەستى. جوبا بويىنشا وقۋ­شىلارعا قۇقىقتىق ءبىلىم مەن اسكەري-پات­ريوتتىق تاربيە بەرىلەدى. كادەت سىنىبى­نىڭ وقۋشىلارى ساباقتان تىس ۋاقىتتا ساپتا ءجۇرۋ, العاشقى مەديتسينالىق كومەك كورسەتۋ, اۆتوماتتى بۇزىپ-جيناۋدى ۇيرەنىپ, سپورت­تىق جاتتىعۋلارمەن اينالىسادى.

– ەلىمىزدە العاش بولىپ كادەت سىنىبى اشى­­لىپتى. وتە قۇپتارلىق باستاما.وسى مەكتەپكە ارنايى كەلىپ وتىر­مىن. تۇرعىن­دارمەن كەزدەسۋدە ايتىلعان ماسە­­لە­نىڭ ءبارى ۇلتتىق يدەولوگياعا قاتىستى. ما­دە­ن­يەت سالاسى وكىلدەرىنىڭ جالاقىسى, زەينەت­­اقى, جەر ماسەلەلەرى كوتەرىلىپ جاتىر. جالپى, شىم­كەنتتە كوپتەگەن وڭ وزگەرىس بار, – دەدى ق.يسا.

بۇدان سوڭ دەپۋتات شىمكەنت قالاسى كوك­بۇ­لاق ەلدى مەكەنىندە ورنالاسقان مادە­نيەت ءۇيى­نىڭ قۇ­رىلىس بارىسىمەن تانىستى. مەردىگەر كوم­­پا­نيا باسشىلىعى قۇرى­لىس جۇمىستارى بيىل تامىز ايىندا اياقتالا­تىنىن ايتىپ, ۋادە بەردى.

سونداي-اق يگىلىك ەلدى مەكەنىندە ورنالاس­قان مادەنيەت ۇيىندە جەرگىلىكتى تۇرعىندار­مەن كەز­دەستى. ق.يسا ماجىلىستە كوتەرىلىپ جۇر­­گەن ماسە­لەلەرگە كەڭىنەن توقتالدى. تۇرعىن­دار №82 مەكتەپتىڭ عيماراتى ەسكى ءارى وسى كۇن­گە دەيىن بالالار 3 اۋىسىمدا وقيتى­نى جو­نىن­دە ماسەلە كوتەردى. بۇدان بولەك, قىزىل­جار ەلدى مەكەنىندە كوشەلەرگە اسفالت توسەۋ, جاياۋ جۇر­گىنشىلەرگە تروتۋار سالۋ, قاڭعىباس يتتەر, بادام وزەنىنەن سۋ شىعارۋ, كوپقاباتتى ۇيلەردىڭ قاسبەتىن جوندەۋ جايلارى دا ءسوز بولدى.