سەنات دەپۋتاتى التىنبەك نۋح ۇلى باياناۋىل اۋلىندا دەنە شىنىقتىرۋ-ساۋىقتىرۋ كەشەنى قۇرىلىسىنىڭ بارىسىمەن تانىستى. قۇنى 2,5 ملرد تەڭگە بولاتىن نىساننىڭ قۇرىلىسىن اعىمداعى جىلدىڭ جەلتوقسان ايىندا اياقتاۋ جوسپارلانىپ وتىر.
التىنبەك نۋح ۇلى قۇرىلىس الاڭىنان كەيىن باياناۋىل اۋدانىنىڭ اقساقالدارىمەن جانە اكتيۆىمەن كەزدەسۋ وتكىزىپ, ءوڭىردىڭ الەۋمەتتىك-ەكونوميكالىق دامۋ جوسپارىن تالقىلادى.
دەپۋتات ساپار بارىسىندا مۇسا شورمان اۋلىنىڭ تۇرعىندارىمەن دە كەزدەستى. جۇزدەسۋ كەزىندە سەنات قىزمەتىنىڭ قورىتىندىلارى, سونداي-اق اكادەميك قانىش ساتباەۆتىڭ 125 جىلدىعىنا ارنالعان ءىس-شارالاردى جۇزەگە اسىرۋ بارىسى تۋرالى ايتىپ بەردى. سەناتور سونىمەن قاتار «اۋىل كىتاپحانالارىنا – 100 كىتاپ» رەسپۋبليكالىق ءىس-شاراسى اياسىندا قانىش ساتباەۆ اتىنداعى مەكتەپ كىتاپحاناسىنا كىتاپ سىيلادى.
دەپۋتات وبلىس اكىمىمەن كەزدەسۋ بارىسىندا پاۆلودارلىقتاردى الاڭداتىپ وتىرعان وڭىردەگى وزەكتى ماسەلەلەردى تالقىلادى.