ماجىلىستەگى «اۋىل» پارتياسى فراكتسياسىنىڭ دەپۋتاتتارى سەرىك ەگىزباەۆ, جيگۋلي دايراباەۆ, ەربولات ساۋرىقوۆ الماتى وبلىسىنىڭ ىلە اۋدانىنداعى «بەرەكە» يندۋستريالدى ايماعىندا ورنالاسقان ەكسپورتتىق جەمىس-جيدەك كلاستەرىمەن اينالىساتىن «Fruitart» سەرىكتەستىگىنىڭ جۇمىسىمەن تانىستى.
«Fruitart» زاۋىتى – «Kazakh Invest» ۇلتتىق كومپانياسىنىڭ جوباسى, جىلىنا 15 مىڭ توننا ءونىم وندىرەدى. كاسىپورىن ءونىمى كورپوراتيۆتىك كليەنتتەرگە, بولشەك ساۋدا جەلىلەرىنە, سونىڭ ىشىندە ەۋروپا وداعى, اقش, جاپونيا, وڭتۇستىك كورەيا سىندى دامىعان ەلدەر نارىعىنا مۇزداتىلعان كەپتىرىلگەن جەمىستەر مەن جيدەكتەر جەتكىزىلەدى. سونداي-اق قىتاي مەن رەسەي نارىعىنا ەكسپورتتالادى. زاۋىتتا 350 ادام جۇمىس ىستەيدى.
دەپۋتاتتار مەملەكەت باسشىسىنىڭ رەفورمالارىن جۇزەگە اسىرۋ اياسىندا وزدەرىنىڭ زاڭنامالىق جۇمىستارى مەن كاسىپكەرلىكتى دامىتۋدى مەملەكەتتىك قولداۋ شارالارى تۋرالى حاباردار ەتتى.
دەپۋتاتتار كاسىپورىننىڭ جۇمىسىمەن تانىسقاننان كەيىن, ەڭبەك ۇجىمىمەن كەزدەسىپ, كوپتەگەن وزەكتى ماسەلەنى تالقىلادى. زاۋىت باسشىلىعى دەپۋتاتتارعا جەتىستىكتەرىمەن قاتار كۇرمەۋلى ماسەلەلەرى جايىندا دا ايتىپ, كومەك سۇرادى. كاسىپورىن جەتەكشىلەرىنىڭ ايتۋىنشا, زاۋىت جوبا بويىنشا العان قارىزىن تولىق يگەرگەن. الايدا كومپانيا بارلىق ينۆەستيتسيالىق كرەديت سىياقىسىنىڭ تولىق مولشەرلەمەسىن ءوز ەسەبىنەن قارجىلاندىرۋعا ءماجبۇر. سەرىكتەستىك وكىلدەرى «الماتى قالاسىنىڭ كاسىپكەرلىك جانە ينۆەستيتسيالار باسقارماسى» كمم سۋبسيديالار بويىنشا بەرەشەگى قازىر 3,8 ملرد تەڭگە ەكەنىن ايتتى. جىل سوڭىنا دەيىن بۇل قارىز 5,4 ملرد تەڭگەگە جەتەدى. دەپۋتاتتار كاسىپورىن وكىلدەرىنىڭ ماسەلەلەرىن نازارعا الاتىنىن ايتتى.