جاڭعىرتۋ جۇمىسى باقىلاۋدا تۇر

قازىرگى ۋاقىتتا سۋ سورعىسى جانە ءسۇزۋ ستانسالارىن جاڭعىرتۋ بو­يىنشا ەكى جوبا ىسكە اسىرىلىپ جاتىر, ولاردىڭ قۇنى 10 ملرد تەڭگەنى قۇرايدى. دەپۋتات ايماق­تاعى كارىز جانە تازارتۋ قۇرىلىستارىنىڭ دۇرىس جۇمىس ىستەۋىن قامتاماسىز ەتۋ قاجەتتىگىن اتاپ ءوتتى.

قازىرگى ۋاقىتتا اتىراۋ قالا­سىندا كوممۋنالدىق جەلىلەر­دى جاڭ­عىرتۋ, 33,2 شاقىرىم كارىز جۇيەسىنىڭ كۇردەلى جوندەۋ جۇمىسى قارقىندى ءجۇرىپ جاتىر. سونداي-اق ساتباەۆ داڭعىلى بو­يىنشا كارىز كوللەكتورىن جوندەۋ جۇمىستارى جالعاسۋدا. قالادا جانە جاقىن ماڭداعى ەلدى مەكەن­دەردە توزىعى جەتكەن 60,1 شا­قىرىم كارىز قۇبىرىنا كۇردەلى جوندەۋ جۇرگىزىلىپ جاتىر. ەڭ الدىمەن, قۇلمانوۆ, ساتپاەۆ, كانتسەۆ, وتەمىسوۆ جانە مومىش ۇلى كوشە­لەرىندەگى جالپى ۇزىندىعى 30,7 شاقىرىمدى قۇرايتىن اپاتتى جەلىلەر جوندەلەدى.

– قىركۇيەك ايىندا ءماجىلىس دەپۋتاتتارى رەسپۋبليكالىق بيۋدجەت جوباسىن قارايدى. سول كەزدە اتىراۋ قالاسىنىڭ سۋ قۇبىرلارىن جوندەۋگە قاجەتتى كەلەسى جىلعى قارجىلاندىرۋ ماسەلەسىن شەشۋگە تىرىسامىز. بۇل بىرلەسكەن قارجىلاندىرۋ بولادى, ءبىر بولىگى – وبلىس بيۋدجەتىنەن, ەكىنشىسى – رەسپۋبليكالىق بيۋدجەتتەن, – دەدى دۇيسەنباي تۇرعانوۆ.

دەپۋتات سونداي-اق جازعى ۋاقىتتا قالا ماڭىنداعى تۇرعىن­دار سۋارمالى سۋ ءۇشىن پايدالاناتىن سۋدىڭ تاپشىلىعىنا نازار اۋداردى. ونىڭ پىكىرىنشە, الداعى 2-3 جىلدا سۋمەن قامتاماسىز ەتۋ ماسەلەسى شەشىلەدى.