ۇلگىلى باستاما

اتالعان اكتسيا وتكەن اپتادا «جا­سىل ايماق» ۇرانىمەن ءوتىپ, بارلىق جۇمىس كوشەت وتىر­عىزۋعا, اعاشتاردى اقتاۋعا ارنال­دى. بۇل ەكواپتا اياسىندا قارۋ­لى كۇش­تەر­دىڭ مەملەكەتتىك اسكەري-تاريحي مۇرا­جايىنىڭ اۋماعىندا ءتۇرلى ەلشى­لىكتەردىڭ وكىلدەرى جاپپاي اعاش وتىرعىزدى. جاڭا كوشەتتەردىڭ جالپى سانى 350-دەن اسادى.

«بۇگىن ءبىزدىڭ كوڭىل كۇيىمىز كەرەمەت. مۇنداي اكتسيالار – قورشاعان ورتا ءۇشىن ۇلكەن يگىلىك. ءوز باسىم اعاش وتىرعىزۋ, ساياباقتاردى كوگالداندىرۋ جۇمىستارىن ىلعي دا قولدايمىن. ءاربىر وتىرعىزىلعان اعاش – ءبىزدىڭ بولاشاققا قوسقان ۇلەسىمىز, جاس ۇرپاققا قامقورلىق. بۇل باعىتتا قازاقستان اۋىز تولتىرىپ ايتارلىقتاي جۇمىس اتقارىپ جاتىر», دەدى بەلارۋس رەسپۋبليكاسىنىڭ قازاقستانداعى ەلشى­لىگىنىڭ كەڭەسشى-ەلشىسى دميتري زورين.

ءىس-شاراعا ازەربايجان, قىرعىزستان, تاجىكستان, تۇرىكمەنستان, يندونەزيا, گرۋزيا, بەلارۋس, پورتۋگاليا, تايلاند, يزرايل, ۆاتيكان ەلشىلەرى مەن وكىلدەرى دە قاتىستى. «بۇل ءىس-شارا «تازا قازاقستان: استانا – تازالىق پەن ءتارتىپتىڭ ۇلگىسى» ەكو­لوگيالىق ايلىعى اياسىندا ۇيىم­داستىرىلدى. وعان قالا باسشىلارى مەن تۇرعىندارى, بيزنەس وكىلدەرى مەن جاستار قاتىسادى. مۇندا 350-گە جۋىق اعاش وتىرعىزىلادى. ولاردىڭ اراسىندا قايىڭ, قاراعاي, شىرشا بار. اعاش وتىرعىزۋدان باسقا, ءبىز اۆتوماتتى سۋا­رۋ­ جۇيەسىن قاتار قويامىز. سونداي-اق اتال­عان ءىس-شارا اياسىندا اۋداننىڭ باسقا سايا­باقتارىندا جاسىل جەلەكتەر ەگىلەدى», ­دەدى اۋدان اكىمى تالعات راحمانبەردى.

تۇرعىنداردى بىرلىككە باستايتىن ەكواكتسيانى استانادا ورنالاسقان 70-كە جۋىق ەلشىلىك پەن حالىقارالىق ۇيىم قولدادى. وسىلايشا, «تازا قازاقستان: استانا – تازالىق پەن ءتارتىپتىڭ ۇلگىسى» ەكواكتسياسى ءۇشىنشى اپتاعا ۇلاسىپ وتىر.اۋقىمدى ناۋقان كەزىندە قالانى ساني­تارلىق تازارتۋ, نوسەر جانە ارىق كارىز جەلىلەرى, كوشەلەردى, تروتۋارلاردى, ورامىشىلىك اۋماقتاردى, قوعامدىق كەڭىس­تىكتەر مەن اۋلالاردى تازالاۋ جۇمىس­تارى جۇرگىزىلىپ جاتىر. سونداي-اق جاسىل جەلەكتەردى كۇتىپ-باپتاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇل­زارلاردى تازارتۋ, رۇقسات ەتىلمەگەن پوليگونداردى جويۋ جانە ت.ب. جۇمىستار اتقارىلدى.