بۇگىن − ەلىمىزدە سۋ شارۋاشىلىعى قىزمەتكەرلەرىنىڭ كۇنى. سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ سالا قىزمەتكەرلەرى مەن ارداگەرلەرىن, ونىڭ ىشىندە مينيسترلىكتىڭ, «قازسۋشار» ماماندارىن, قازاقستاننىڭ حالىقارالىق ۇيىمدارداعى وكىلدەرىن جانە ت.ب. قىزمەتكەرلەردى كاسىبي مەرەكەمەن قۇتتىقتادى, دەپ حابارلايدى Egemen.kz.
ەلىمىز بويىنشا «قازسۋشار» كاسىپورىنىنىڭ بارلىق فيليالدارىندا مەرەكەلىك ءىس-شارالار ءوتتى. مەرەكە كۇنى جالپى سانى 281 مامان ماراپاتتالدى: سۋ شارۋاشىلىعىنىڭ 33 قىزمەتكەرى ءمينيستردىڭ العىس حاتىن الدى, 158 مامان قۇرمەت گراموتاسىن السا, 80 مامانعا «سۋ شارۋاشىلىعىنىڭ ۇزدىگى» توسبەلگىسى تابىستالدى.
بۇدان بولەك, ەلىمىزدىڭ سۋ شارۋاشىلىعىنىڭ 53 ارداگەرىنىڭ ەڭبەگى ەرەكشە اتالىپ ءوتتى. ولارعا «سۋ شارۋاشىلىنىڭ ارداگەرى» توسبەلگىسى تابىستالدى.
ء«بىز ءۇشىن كەز كەلگەن اۋا رايىنا قاراماستان ەلىمىزدىڭ سۋ شارۋاشىلىعى نىساندارىندا كۇش-جىگەرىن اياماي ەڭبەك ەتەتىندەرگە العىس ءبىلدىرۋ ۇلكەن مارتەبە. سىزدەردىڭ كۇن سايىنعى قاجىرلى ەڭبەكتەرىڭىز رەسپۋبليكا مەن ونىڭ ەكونوميكاسىنىڭ دامۋىنا ەلەۋلى ۇلەس قوسادى. قازاقستاندىقتاردى ەڭ ماڭىزدى رەسۋرس – سۋمەن قامتاماسىز ەتۋ جونىندەگى سىزدەردىڭ كۇش-جىگەرلەرىڭىز قۇرمەتكە جانە ەڭ جوعارى باعاعا لايىق», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.